Ruth 2:6

Ang Biblia 2011

Ug ang sulugoon nga maoy pangulo sa mga mangangani mitubag, “Kana siya mao ang Moabihanon nga babaye nga mibalik uban kang Naomi gikan sa yuta sa Moab.

Cross References

Genesis 15:2

Apan si Abram miingon, “O Ginoong Dios, unsay ihatag nimo kanako? Nagpadayon ako nga walay anak, ug ang mahimong manununod sa akong panimalay mao si Eliezer nga taga-Damasco.”

Genesis 24:2

Ug miingon si Abraham sa iyang sulugoon, sa labing tigulang sa iyang panimalay nga maoy tinugyanan sa tanan niyang kabtangan, “Ibutang ang imong kamot sa ilalom sa akong paa,

Genesis 39:4

Busa si Jose nakapahimuot sa iyang panan-aw ug siya nag-alagad kaniya ug gihimo siya nga tinugyanan sa iyang balay ug gitugyan kaniya ang tanan niyang katigayonan.

Mateo 20:8

Ug sa pagkakilomkilom na, ang tag-iya sa parasan miingon sa iyang piniyalan, ‘Tawga na ang mga mamumuo ug ihatag kanila ang ilang mga suhol, sugod sa mga naulahi hangtod sa mga nauna.’

Mateo 24:45

“Kinsa ba ang kasaligan ug maalamon nga ulipon nga gitudlo sa iyang agalon sa pagdumala sa panimalay niini aron paghatag kanila sa ilang pagkaon sa hustong panahon?

Ruth 1:16

Apan si Ruth miingon, “Ayaw ako agdaha sa pagbiya kanimo o sa pagpauli gikan sa pagsunod kanimo, kay bisan asa ikaw moadto ako moadto, ug bisan asa ikaw mopuyo ako mopuyo; ang imong katawhan mahimo nga akong katawhan, ug ang imong Dios mahimo nga akong Dios.

Ruth 1:19

Busa silang duha nanglakaw hangtod nga miabot sila sa Betlehem. Ug sa dihang miabot sila sa Betlehem, ang tibuok siyudad nagkagubot mahitungod kanila ug sila miingon, “Mao ba kini si Naomi?”

Ruth 1:22

Busa si Naomi mipauli ug si Ruth nga Moabihanon nga iyang umagad miuli uban kaniya gikan sa yuta sa Moab. Ug sila miabot sa Betlehem sa pagsugod sa pagpangani sa mga sebada.

Ruth 2:5

Unya miingon si Boas ngadto sa iyang sulugoon nga maoy pangulo sa mga mangangani, “Kinsa man kanang babayhana?”

Ruth 2:7

Ug siya miingon, ‘Ako naghangyo kaninyo, pahagdawa ako ug patigoma diha sa mga binangan sunod sa mga mangangani.’ Busa siya mianhi ug nagpadayon sukad sa buntag hangtod karon nga walay pahulay bisan makadiyot.”