Ruth 2:4

Ang Biblia 2011

Ug unya, si Boas miabot gikan sa Betlehem ug miingon sa mga mangangani, “Ang Ginoo mag-uban kaninyo!” Ug sila mitubag, “Ang Ginoo magpanalangin kanimo.”

Cross References

Genesis 18:19

Dili, kay gipili nako siya aron magsugo sa iyang mga anak ug panimalay nga sunod kaniya aron magsubay sila sa dalan sa Ginoo, pinaagi sa pagbuhat sa pagkamatarong ug sa hustisya, aron ang Ginoo magpadangat kang Abraham niadtong gisaad kaniya.”

Genesis 28:3

Ug ang Dios nga Labing Gamhanan sa tanan magpanalangin kanimo ug maghimo kanimo nga mabungahon ug magpadaghan kanimo aron ikaw mahimo nga usa ka panon sa mga katawhan.

1 Cronicas 2:51

si Salma nga amahan ni Betlehem ug si Haref nga amahan ni Betgader.

Salmo 118:26

Bulahan siya nga moabot diha sa ngalan sa Ginoo! Kami magdayeg kanimo gikan sa balay sa Ginoo.

Salmo 134:3

Hinaot nga ang Ginoo magpanalangin kaninyo gikan sa Zion, siya nga nagbuhat sa langit ug sa yuta!

Jeremias 31:23

Mao kini ang giingon sa Ginoo sa mga panon, ang Dios sa Israel: “Sila maggamit pag-usab niining pulonga sa yuta sa Juda ug sa mga siyudad niini, sa diha nga ibalik nako ang ilang maayong kahimtang: ‘Ang Ginoo magpanalangin kanimo, O puluy-anan sa pagkamatarong, O bukid nga balaan!’

Numeros 6:24

Ang Ginoo magpanalangin kaninyo ug magbantay kaninyo;

Lucas 1:28

Ug ang anghel miadto kaniya ug miingon, “Maglipay ka, ikaw nga gipanalanginan, ang Ginoo uban kanimo!”

2 Mga Taga-Tesalonica 3:16

Karon ang Ginoo sa kalinaw maghatag kaninyo ug kalinaw sa tanang panahon sa tanang paagi. Ang Ginoo mag-uban kaninyong tanan.

1 Timoteo 6:2

Sila nga adunay mga agalon nga magtutuo kinahanglang dili magtamay kanila tungod kay sila mga igsoon man, hinuon kinahanglang mag-alagad sila ingon nga mga ulipon kay sila nga nagpahimulos sa ilang mga maayong pag-alagad mga magtutuo man ug mga hinigugma. Itudlo ug idasig kining mga butanga:

2 Timoteo 4:22

Ang Ginoo mag-uban sa imong espiritu. Ang grasya mag-uban kaninyo.

Josue 24:15

Ug kon dili kamo buot moalagad sa Ginoo, pagpili kamo niining adlawa kon kinsa ang inyong alagaran, ang mga dios ba nga gialagaran sa inyong katigulangan didto sa unahan sa Suba o ang mga dios ba sa mga Amorihanon nga ang yuta mao ang inyong gipuy-an. Apan alang kanako ug sa akong panimalay, mag-alagad kami sa Ginoo.”

Mga Maghuhukom 6:12

Ug ang anghel sa Ginoo mipakita kaniya ug miingon, “Ang Ginoo nag-uban kanimo, ikaw nga tawong kusgan ug isog.”

Mga Maghuhukom 6:16

Ang Ginoo miingon kaniya, “Apan ako mag-uban kanimo, ug buntogon nimo ang mga Midianhon sama sa usa ka tawo.”

Ruth 2:3

Busa siya milakaw ug miadto ug nanghagdaw didto sa uma sunod sa mga mangangani ug nahitabo nga siya miabot sa bahin sa uma nga iya ni Boas nga sakop sa panimalay ni Elimelek.

Ruth 2:5

Unya miingon si Boas ngadto sa iyang sulugoon nga maoy pangulo sa mga mangangani, “Kinsa man kanang babayhana?”

Ruth 4:11

Unya ang tanang katawhan nga didto sa ganghaan ug ang mga kadagkoan miingon, “Kami mga saksi. Ang Ginoo maghimo unta sa babaye nga mahiadto sa imong balay sama kang Rachel ug kang Lea nga naghiusa sa pagtukod sa balay sa Israel. Hinaot nga mouswag ikaw didto sa Efrata ug mabantogan sa Betlehem.

1 Samuel 17:37

Ug si David miingon, “Ang Ginoo nga nagluwas kanako gikan sa tiil sa liyon ug gikan sa tiil sa oso, siya magluwas kanako gikan sa kamot niining Filistihanon.” Ug si Saul miingon kang David, “Lakaw, ug ang Ginoo mag-uban kanimo!”