Ruth 2:3

Ang Biblia 2011

Busa siya milakaw ug miadto ug nanghagdaw didto sa uma sunod sa mga mangangani ug nahitabo nga siya miabot sa bahin sa uma nga iya ni Boas nga sakop sa panimalay ni Elimelek.

Cross References

2 Samuel 1:6

Ug ang batan-ong lalaki nga nagsugilon kaniya miingon, “Nahitabo nga ako didto sa bukid sa Gilboa, ug si Saul nagsandig sa iyang bangkaw ug dihay mga karwahi ug ang mga nagsakay niini naggukod kaniya.

2 Samuel 20:1

Nahitabo nga didtoy usa ka daotang tawo nga ginganlan ug Seba nga anak ni Bikri nga kaliwat ni Benjamin, ug siya mipatingog sa trumpeta, ug miingon, “Kami walay bahin kang David, ug kami walay panulundon diha sa anak ni Jesse; ang matag tawo ngadto sa iyang tolda, O Israel!”

2 Mga Hari 8:5

Ug samtang nagsugilon siya sa hari kon giunsa ni Eliseo pagbanhaw ang namatay, ang babaye nga ang anak gibanhaw, mihangyo sa hari alang sa iyang balay ug sa iyang yuta. Ug si Gihasi miingon, “Akong agalon, O hari, ania ang babaye ug ang iyang anak nga gibanhaw ni Eliseo.”

Mateo 10:29

Dili ba ang duha ka sayaw gibaligya ug duha ka sensilyo. Ug walay bisan usa kanila nga mahulog sa yuta nga dili mahibaloan sa inyong Amahan.

Lucas 10:31

Ug naatol nga may pari nga miagi niadtong dalana. Ug sa iyang pagkakita sa tawo, didto siya miagi sa pikas.

2 Mga Taga-Tesalonica 3:12

Karon ang maong mga tawo among gisugo ug gitambagan diha sa Ginoong Jesu-Cristo, nga kinahanglan magbuhat sila nga malinawon aron makakaon sila sa ilang kaugalingong pagkaon.

Ruth 2:2

Ug si Ruth nga Moabihanon miingon kang Naomi, “Paadtoa ako karon sa uma aron manghagdaw sa mga uhay sa trigo sunod kaniya nga sa iyang mga mata makakaplag ako ug kaluoy.” Ug siya miingon kaniya, “Lakaw, akong anak.”

Ruth 2:4

Ug unya, si Boas miabot gikan sa Betlehem ug miingon sa mga mangangani, “Ang Ginoo mag-uban kaninyo!” Ug sila mitubag, “Ang Ginoo magpanalangin kanimo.”