Ruth 2:20

Ang Biblia 2011

Unya si Naomi miingon sa iyang umagad, “Panalanginan siya sa Ginoo, siya nga wala maghikaw sa iyang kaluoy ngadto sa mga buhi ug sa mga patay!” Ug si Naomi miingon usab kaniya, “Ang tawo atong kadugo, usa sa atong mga suod nga kadugo.”

Cross References

2 Samuel 2:5

si David nagpadala ug mga sulugoon ngadto sa mga tawo sa Jabes-gilead, ug miingon kanila, “Panalanginan unta kamo sa Ginoo kay gipakita ninyo kining maong pagkamaunongon ngadto kang Saul nga inyong agalon ug gilubong ninyo siya!

2 Samuel 9:1

Unya si David miingon, “Aduna pa bay nahibilin sa balay ni Saul aron ako makapakita kaniya ug kaluoy tungod ug alang kang Jonathan?”

Job 19:25

Kay ako nasayod nga ang akong Manluluwas buhi, ug sa kataposan, siya motindog ibabaw sa yuta;

Mga Panultihon 17:17

Ang usa ka higala mahigugma sa tanang panahon, ug ang usa ka igsoon natawo alang sa kalisdanan.

Levitico 25:25

Kon ang imong igsoon mahimong kabos ug magbaligya ug diyotay sa iyang kaugalingong yuta, moanha ang iyang labing suod nga kadugo, ug lukaton ang gibaligya sa iyang igsoon.

Mga Taga-Filipos 4:10

Nalipay ako pag-ayo diha sa Ginoo nga karon sa kataposan gibuhi ninyo ang inyong kahangawa alang kanako. Tinuod nahangawa kamo kanako apan wala lamang kamoy higayon sa pagpakita niini.

Ruth 2:21

Unya si Ruth nga Moabihanon miingon, “Miingon usab siya kanako, ‘Paduol sa akong mga sulugoon, hangtod nga ilang matapos ang tanan nakong anihonon.’ ”

Ruth 3:12

Ug karon matuod nga ako suod nga kadugo apan adunay usa ka kadugo nga labawng suod pa kay kanako.

Ruth 4:14

Ug ang mga babaye miingon kang Naomi, “Dalaygon ang Ginoo nga wala mobiya kanimo niining adlawa sa pagkawalay suod nga kadugo, ug hinaot pa nga ang iyang ngalan mabantogan sa Israel!

Ruth 4:4

Busa ako naghunahuna nga sultihan ko ikaw niini ug ingnon: Palita kini sa atubangan sa mga nanglingkod dinhi ug sa atubangan sa mga kadagkoan sa akong katawhan. Kon imo kining lukaton, lukata kini apan kon dili ikaw molukat niini, suginli ako, aron ako mahibalo, kay walay laing makalukat niini gawas kanimo ug ako sunod kanimo.” Ug siya miingon, “Akong lukaton kini.”

Ruth 4:6

Ug ang suod nga kadugo miingon, “Dili ako molukat niini alang sa akong kaugalingon, kay tingali unya ug madaot ang akong kaugalingong panulundon. Kuhaa ang akong katungod sa paglukat kay dili ako makalukat niana.”