Ruth 2:2

Ang Biblia 2011

Ug si Ruth nga Moabihanon miingon kang Naomi, “Paadtoa ako karon sa uma aron manghagdaw sa mga uhay sa trigo sunod kaniya nga sa iyang mga mata makakaplag ako ug kaluoy.” Ug siya miingon kaniya, “Lakaw, akong anak.”

Cross References

Genesis 32:6

Ug ang mga sinugo namalik kang Jacob ug miingon, “Nakadangat kami sa imong igsoon nga si Esau ug siya moanhi sa pagsugat kanimo ug uban kaniya ang upat ka gatos ka tawo.”

Levitico 19:10

Ayaw hagdawi ang inyong parasan, ayaw usab pamunita ang mga bunga nga nahulog sa parasan; ibilin kini alang sa mga kabos ug sa dumuduong. Ako mao ang Ginoo nga inyong Dios.

Levitico 19:16

Ayaw pagsuroysuroy aron manglibak taliwala sa imong katawhan, o manghimaraot batok sa dugo sa imong isigkatawo. Ako mao ang Ginoo.

Levitico 19:9

“Sa dihang mag-ani kamo sa abot sa inyong yuta, ayaw ninyo hutda hangtod sa daplin sa inyong uma, ayaw usab hagdawi ang inyong gianihan.

Levitico 23:22

“Sa dihang mag-ani kamo sa abot sa inyong yuta, ayaw ninyo hutda pag-ani hangtod sa daplin sa inyong uma, ayaw hagdawa ang imong ani, ibilin kini alang sa mga kabos ug alang sa dumuduong. Ako mao ang Ginoo nga inyong Dios.”

Ruth 2:3

Busa siya milakaw ug miadto ug nanghagdaw didto sa uma sunod sa mga mangangani ug nahitabo nga siya miabot sa bahin sa uma nga iya ni Boas nga sakop sa panimalay ni Elimelek.

Ruth 2:7

Ug siya miingon, ‘Ako naghangyo kaninyo, pahagdawa ako ug patigoma diha sa mga binangan sunod sa mga mangangani.’ Busa siya mianhi ug nagpadayon sukad sa buntag hangtod karon nga walay pahulay bisan makadiyot.”

1 Samuel 1:18

Ug siya miingon, “Hinaot unta nga kahimut-an nimo ang imong ulipon nga babaye diha sa imong mga mata.” Unya ang babaye milakaw ug mikaon ug ang iyang panagway wala na magsubo.