Ruth 2:18

Ang Biblia 2011

Ug iya kining gidala ug miadto siya sa siyudad. Iyang gipakita sa iyang ugangan nga babaye ang iyang hinagdaw, ug iyang gidala ug gihatag kaniya ang pagkaon nga iyang salin human siya mabusog.

Cross References

1 Timoteo 5:4

Ug kon ang biyuda adunay mga anak o mga apo, patun-a una sila sa ilang diosnong katungdanan ngadto sa ilang kaugalingong panimalay ug sa paghatag ug balos ngadto sa ilang mga ginikanan kay kini kahimut-an sa atubangan sa Dios.

Ruth 2:14

Panahon sa pagpangaon si Boas miingon kaniya, “Duol ngari ug kaon ug pan ug ituslob ang tipik sa pan diha sa bino.” Busa siya milingkod tupad sa mga mangangani ug si Boas mihatag kaniya ug sinangag nga trigo. Siya mikaon hangtod nga siya nabusog ug aduna pay salin.

Ruth 2:17

Busa nanghagdaw siya didto sa uma hangtod sa pagkahapon ug iyang gigiok ang iyang hinagdaw ug kini mga usa ka epha sa sebada.