Ruth 2:13

Ang Biblia 2011

Unya siya miingon, “Maluluy-on kaayo ikaw kanako, akong agalon, kay ikaw naglipay kanako ug misulti nga maluluy-on ngadto sa imong ulipon nga babaye, bisan pa ug dili ako usa sa imong mga sulugoon nga babaye.”

Cross References

Genesis 32:6

Ug ang mga sinugo namalik kang Jacob ug miingon, “Nakadangat kami sa imong igsoon nga si Esau ug siya moanhi sa pagsugat kanimo ug uban kaniya ang upat ka gatos ka tawo.”

Genesis 33:10

Ug si Jacob miingon, “Dili, naghangyo ako kanimo. Kon ako nakakaplag karon ug kahimuot diha sa imong mga mata, dawata ang akong gasa gikan sa akong mga kamot, kay sa pagkatinuod, ang pagkakita nako sa imong nawong, sama sa pagkakita nako sa nawong sa Dios, kay gidawat nimo ako uban ang kahimuot.

Genesis 33:15

Busa si Esau miingon, “Ibilin nako karon ang uban sa akong mga tawo nga mikuyog kanako.” Apan siya miingon, “Unsa ba ang kinahanglan niini? Makakaplag unta ako ug kahimuot sa mga mata sa akong agalon.”

Genesis 33:8

Si Esau miingon, “Unsa bay ipasabot nimo niadtong mga pundok nga akong nasugatan?” Ug siya mitubag, “Aron kahimut-an ako sa mga mata sa akong agalon.”

Genesis 34:3

Apan ang iyang kalag nadani kang Dina nga anak ni Jacob ug nahigugma siya sa dalaga, ug misulti nga malumo kaniya.

Genesis 43:14

Ug ang Dios nga Labing Gamhanan maghatag ug kaluoy kaninyo sa atubangan niadtong tawhana, aron iyang buhian kaninyo ang usa ninyo ka igsoon ug si Benjamin. Kon ako mawad-an sa akong mga anak, ako magbangutan gayod.”

2 Samuel 16:4

Unya ang hari miingon kang Ziba, “Tan-awa, ang tanan nga iya ni Mefiboset maimoha na.” Ug si Ziba miingon, “Ako moyukbo. Itugot nga makakaplag ako ug kahimuot sa imong panan-aw, agalon ko nga hari.”

Mga Panultihon 15:33

Ang pagkahadlok sa Ginoo maoy pahimangno diha sa kaalam, ug ang pagkamapaubsanon mag-una sa kadungganan.

Oseas 2:16

“Nianang adlawa, nag-ingon ang Ginoo, ikaw magtawag kanako nga, ‘Akong bana’ ug dili na magtawag kanako nga, ‘Akong Baal.’

Mga Taga-Filipos 2:3

Ayaw kamo pagbuhat ug bisan unsa pinaagi sa kahakog o pagpagarbo sa kaugalingon, apan diha sa pagpaubos isipa ang uban nga labaw pang maayo kay sa inyong kaugalingon.

Mga Maghuhukom 19:3

Ug ang iyang bana milakaw ug miapas kaniya, aron makigsulti ug minaayo kaniya ug dad-on siya pagbalik. Uban kaniya ang iyang sulugoon ug duha ka asno. Ug miabot siya sa balay sa amahan sa babaye ug sa pagkakita kaniya sa amahan sa babaye nalipay siya sa pagsugat kaniya.

Ruth 2:12

Ang Ginoo nagbalos kanimo sa imong buhat, ug ang usa ka hingpit nga ganti ihatag kanimo sa Ginoo, ang Dios sa Israel, nga sa ilalom sa iyang mga pako ikaw mianhi aron modangop!”

Ruth 2:14

Panahon sa pagpangaon si Boas miingon kaniya, “Duol ngari ug kaon ug pan ug ituslob ang tipik sa pan diha sa bino.” Busa siya milingkod tupad sa mga mangangani ug si Boas mihatag kaniya ug sinangag nga trigo. Siya mikaon hangtod nga siya nabusog ug aduna pay salin.

1 Samuel 1:18

Ug siya miingon, “Hinaot unta nga kahimut-an nimo ang imong ulipon nga babaye diha sa imong mga mata.” Unya ang babaye milakaw ug mikaon ug ang iyang panagway wala na magsubo.

1 Samuel 25:41

Siya mitindog ug giyukbo ang iyang nawong ngadto sa yuta, ug miingon, “Ania karon, ang imong sulugoon nga babaye usa ka sulugoon aron manghugas sa mga tiil sa mga sulugoon sa akong agalon.”