Ruth 2:12

Ang Biblia 2011

Ang Ginoo nagbalos kanimo sa imong buhat, ug ang usa ka hingpit nga ganti ihatag kanimo sa Ginoo, ang Dios sa Israel, nga sa ilalom sa iyang mga pako ikaw mianhi aron modangop!”

Cross References

Salmo 17:8

Ampingi ako ingon sa kalimutaw sa mata; tagoi ako diha sa landong sa imong mga pako,

Salmo 19:11

Dugang pa, ang imong sulugoon gitambagan pinaagi niini; ang pagtuman niini adunay dakong balos.

Salmo 36:7

Pagkabililhon sa imong gugmang walay paglubad, O Dios! Ang mga anak sa katawhan midangop ilalom sa landong sa imong mga pako.

Salmo 57:1

Kaluy-i ako, O Dios, kaluy-i ako, kay ang akong kalag midangop diha kanimo; diha sa landong sa imong mga pako modangop ako, hangtod nga ang mga katalagman molabay na.

Salmo 58:11

Ang mga tawo mag-ingon, “Sa pagkatinuod adunay ganti alang sa mga matarong; sa pagkatinuod, adunay Dios nga maghukom dinhi sa yuta.”

Salmo 61:4

Papuy-a ako diha sa imong puluy-anan hangtod sa kahangtoran! Modangop ako diha sa silonganan sa imong mga pako. Selah.

Salmo 63:7

kay ikaw mao ang akong magtatabang, ug diha sa landong sa imong mga pako ako mag-awit sa kalipay.

Salmo 91:4

Tabonan ikaw niya sa iyang mga dagang, ug sa ilalom sa iyang mga pako, magpasilong ikaw; ang iyang pagkamatinumanon mao ang taming ug panalipod.

Mga Panultihon 11:18

Ang daotan nagdawat sa mga malimbongon nga suhol, apan ang nagpugas ug pagkamatarong makabaton ug siguro nga ganti.

Mga Panultihon 23:18

Siguro gayod nga adunay kaugmaon, ug ang imong paglaom dili mahanaw.

Jeremias 31:16

Mao kini ang giingon sa Ginoo: “Pugngi ang imong tingog gikan sa paghilak, ug ang imong mga mata gikan sa mga luha; kay ang imong buhat gantihan, nag-ingon ang Ginoo, ug sila mobalik gikan sa yuta sa kaaway.

Mateo 23:37

“O Jerusalem, Jerusalem nga nagpatay sa mga propeta ug nagbato sa mga pinadala nganha kanimo! Sa makadaghan gipangandoy nako ang pagtigom unta sa imong mga anak, sama sa himungaan nga nagtigom sa iyang mga piso ilalom sa iyang mga pako, apan nagdumili kamo!

Mateo 5:12

Pagmaya ug paglipay kamo kay dako ang inyong ganti didto sa langit, kay sa ingon niini gilutos sa mga tawo ang mga propeta nga nag-una kaninyo.

Mateo 6:1

“Pagmatngon kamo nga ang inyong maayong binuhatan dili ninyo himoon atubangan sa mga tawo aron lamang makita nila kini, kay sa ingon niana wala kamoy ganti gikan sa inyong Amahan nga anaa sa langit.

Lucas 6:35

Apan higugmaa ang inyong mga kaaway ug buhata ang maayo ug pahulam sa walay pagpaabot ug bisan unsa, ug dako unya ang inyong ganti, ug kamo mahimong mga anak sa Labing Halangdon kay siya maluluy-on man bisan sa mga tawong dili mapasalamaton ug sa mga daotan.

Mga Taga-Colosas 2:18

Ayaw kamo pagpahisalaag niadtong buot magpakaubos ug nagsimba ug mga anghel, nagbarog diha sa iyang mga panan-awon, nga sa walay katarongan nagpasigarbo tungod sa iyang unodnon nga mga panghunahuna.

2 Timoteo 1:18

Hinaot nga ang Ginoo magtugot kaniya sa pagkakaplag ug kaluoy gikan sa Ginoo niadto unyang adlawa. Ikaw nasayod gayod sa tanang pagpangalagad nga iyang gihimo diha sa Efeso.

2 Timoteo 4:8

Sukad karon adunay gitagana alang kanako nga purongpurong sa pagkamatarong nga niadto unyang adlawa iganti kanako sa Ginoo, ang matarong nga maghuhukom, ug dili lamang kanako ra kondili usab sa tanang mga nahigugma sa iyang pagpadayag.

Mga Hebreo 11:26

Iyang giisip nga ang pasipala nga antoson alang kang Cristo labaw pa ka dakong bahandi kay sa mga bahandi sa Ehipto, kay siya nagtutok man ngadto sa ganti.

Mga Hebreo 11:6

Ug kon walay pagtuo dili gayod mahimo ang pagpahimuot kaniya. Kay si bisan kinsa nga moduol sa Dios kinahanglang motuo nga siya anaa ug nga siya magganti sa mga nangita kaniya.

Mga Hebreo 6:10

Kay ang Dios dili daotan nga tungod niana kalimtan na lamang niya ang inyong buhat ug ang gugma nga inyong gipadayag alang kaniya pinaagi sa inyong pag-alagad sa mga balaan, sama sa inyo pa gihapong gibuhat.

Ruth 1:16

Apan si Ruth miingon, “Ayaw ako agdaha sa pagbiya kanimo o sa pagpauli gikan sa pagsunod kanimo, kay bisan asa ikaw moadto ako moadto, ug bisan asa ikaw mopuyo ako mopuyo; ang imong katawhan mahimo nga akong katawhan, ug ang imong Dios mahimo nga akong Dios.

Ruth 2:11

Apan si Boas mitubag kaniya, “Gisuginlan na ako sa tanan nga imong nabuhat sa imong ugangan nga babaye sukad sa pagkamatay sa imong bana ug gibiyaan nimo ang imong amahan ug ang imong inahan ug ang imong yutang natawhan, ug mianhi ikaw sa usa ka katawhan nga wala nimo mailhi kaniadto.

Ruth 2:13

Unya siya miingon, “Maluluy-on kaayo ikaw kanako, akong agalon, kay ikaw naglipay kanako ug misulti nga maluluy-on ngadto sa imong ulipon nga babaye, bisan pa ug dili ako usa sa imong mga sulugoon nga babaye.”

Ruth 4:15

Ug alang kanimo siya mahimong tigpahiuli sa kinabuhi ug tiglig-on kanimo sa imong pagkatigulang kay ang imong umagad nga babaye nga nahigugma kanimo nga labaw pang maayo kanimo kay sa pito ka anak nga lalaki, nanganak kaniya.”

1 Samuel 24:19

Kay kon ang usa ka tawo makakita sa iyang kaaway, buhian ba kaha niya siya nga walay kadaot? Busa ang Ginoo magbalos unta kanimo sa maayo tungod sa imong gibuhat kanako niining adlawa.

1 Samuel 24:20

Ug karon ako nahibalo nga ikaw sa walay duhaduha mahimong hari ug nga ang gingharian sa Israel malig-on diha sa imong kamot.