Ruth 2:10

Ang Biblia 2011

Unya si Ruth miyukbo, ug miduko ngadto sa yuta ug miingon kaniya, “Nganong nakakaplag man ako ug kaluoy sa imong mga mata, nga ikaw motagad kanako nga ako usa man ka langyaw?”

Cross References

Genesis 18:2

Giyahat niya ang iyang mga mata, ug mitan-aw siya ug nakita niya nga dihay tulo ka tawo nga nagtindog atbang kaniya, ug sa iyang pagkakita kanila, midagan siya gikan sa pultahan sa iyang tolda aron sa pagtagbo kanila ug siya mihapa sa yuta.

2 Samuel 19:28

Kay ang tibuok balay sa akong amahan sama lamang sa mga tawo nga patyonon sa atubangan sa akong agalon nga hari apan gipahimutang nimo ang imong sulugoon uban kanila nga nagkaon diha sa imong lamisa. Busa unsa pa man ang katungod nga ania kanako aron mohilak pa ako ngadto sa hari?”

2 Samuel 7:18

Unya si Hari David misulod ug milingkod sa atubangan sa Ginoo, ug miingon, “Kinsa ako, O Ginoong Dios, ug unsa ba ang akong balay nga gidala man nimo ako hangtod niini nga kalayoon?

2 Samuel 9:8

Ug siya mihatag ug katahoran, ug miingon, “Unsa ba kining imong sulugoon, nga mitan-aw man ikaw sa usa ka patay nga iro nga sama kanako?”

Levitico 19:34

Ang dumuduong nga nagpuyo uban kaninyo isipon ninyo ingon nga lumad taliwala ninyo ug higugmaa ninyo siya sama sa inyong kaugalingon, kay kamo langyaw didto sa yuta sa Ehipto. Ako mao ang Ginoo nga inyong Dios.

Mateo 25:35

Kay gigutom ako ug inyo akong gipakaon, giuhaw ako ug inyo akong gipainom, dumuduong ako ug inyo akong giabiabi,

Lucas 1:43

Nganong nahitabo man kini kanako nga ako giduaw sa inahan sa akong Ginoo?

Lucas 1:48

kay siya nagtagad man sa ubos nga kahimtang niining iyang sulugoon. Kay tan-awa, sukad karon ang tanang kaliwatan magtawag kanako nga bulahan,

Roma 12:10

Paghigugmaay kamo nga mainiton sa usa ug usa ingon nga mga igsoon, pagpalabwanay kamo sa pagtahod sa usa ug usa.

Ruth 2:11

Apan si Boas mitubag kaniya, “Gisuginlan na ako sa tanan nga imong nabuhat sa imong ugangan nga babaye sukad sa pagkamatay sa imong bana ug gibiyaan nimo ang imong amahan ug ang imong inahan ug ang imong yutang natawhan, ug mianhi ikaw sa usa ka katawhan nga wala nimo mailhi kaniadto.

Ruth 2:13

Unya siya miingon, “Maluluy-on kaayo ikaw kanako, akong agalon, kay ikaw naglipay kanako ug misulti nga maluluy-on ngadto sa imong ulipon nga babaye, bisan pa ug dili ako usa sa imong mga sulugoon nga babaye.”

Ruth 2:19

Ang iyang ugangan nga babaye miingon kaniya, “Diin ka man manghagdaw karong adlawa? Ug diin man ikaw magtrabaho? Bulahan ang tawo nga mitagad kanimo.” Ug iyang gipahibalo sa iyang ugangan nga babaye kon kinsa ang iyang gitrabahoan ug siya miingon, “Ang ngalan sa tawo nga akong gitrabahoan niining adlawa mao si Boas.”

Ruth 2:2

Ug si Ruth nga Moabihanon miingon kang Naomi, “Paadtoa ako karon sa uma aron manghagdaw sa mga uhay sa trigo sunod kaniya nga sa iyang mga mata makakaplag ako ug kaluoy.” Ug siya miingon kaniya, “Lakaw, akong anak.”

Ruth 2:9

Ilantaw ang imong mga mata sa uma nga ilang gianihan ug sunod kanila. Wala ba ako magtugon sa mga batan-ong lalaki nga sila dili maghilabot kanimo? Ug kon ikaw uhawon, lakaw ngadto sa mga tadyaw ug inom sa mga kinalos sa mga batan-ong lalaki.”

1 Samuel 25:23

Sa pagkakita ni Abigail kang David, siya nagdali ug nanaog sa iyang asno, ug mihapa sa atubangan ni David ug miyukbo ngadto sa yuta.