Ruth 1:21

Ang Biblia 2011

Ako migikan nga puno ug ang Ginoo nagdala kanako balik nganhi nga walay dala. Nganong tawgon man ako ug Naomi nga gipaantos man ako sa Ginoo ug ang Labing Gamhanan nagpadala nganhi kanako ug katalagman?”

Cross References

Job 1:21

Ug siya miingon, “Hubo ako nga migula gikan sa tiyan sa akong inahan ug hubo ako nga mobalik; ang Ginoo naghatag ug ang Ginoo nagkuha. Bulahan ang ngalan sa Ginoo.”

Job 10:17

Imong gibag-o ang imong mga pagpamatuod batok kanako, ug gidugangan ang imong kasuko batok kanako; ikaw nagdala ug bag-ong kasundalohan batok kanako.

Job 13:26

Kay ikaw nagsulat man ug pait nga mga butang batok kanako, ug gihimo nimo nga ako mag-ani sa kadaotan sa akong pagkabatan-on.

Job 16:8

Ug gipakuyos niya ako nga maoy usa ka pagsaksi batok kanako; ang akong kaniwang nagpasundayag batok kanako, kini nagpamatuod sa akong atubangan.

Job 30:11

Tungod kay giluagan sa Ginoo ang akong higot ug gipaubos ako, sa akong atubangan ang bokado ilang gikuha.

Malaquias 3:5

“Unya ako moanha kaninyo aron sa paghukom ug ako mahimong tulin nga saksi batok sa mga tigsalamangka, batok sa mananapaw, batok sa mga nanumpa sa bakak, batok kanila nga nagdaogdaog sa sinuholan pinaagi sa iyang suhol, sa biyuda ug sa ilo, batok sa nagsalikway sa dumuduong, ug wala mahadlok kanako, nag-ingon ang Ginoo sa mga panon.

Ruth 1:13

mohulat ba kamo hangtod sila mangdagko? Magpugong ba kamo sa pagminyo? Ayaw, akong mga anak, kay kana hilabihan ka pait alang kanako tungod kaninyo nga ang kamot sa Ginoo gibakyaw batok kanako.”