Ruth 1:20

Ang Biblia 2011

Ug siya miingon kanila, “Ayaw ako tawga ug Naomi, tawga ako ug Mara, kay ang Labing Gamhanan nagpaantos kanako sa hilabihan.

Cross References

Genesis 17:1

Sa dihang 99 na ang panuigon ni Abram, ang Ginoo, nagpakita kaniya ug miingon, “Ako mao ang Dios nga Labing Gamhanan, pagkinabuhi nga dili masaway sa akong atubangan.

Genesis 43:14

Ug ang Dios nga Labing Gamhanan maghatag ug kaluoy kaninyo sa atubangan niadtong tawhana, aron iyang buhian kaninyo ang usa ninyo ka igsoon ug si Benjamin. Kon ako mawad-an sa akong mga anak, ako magbangutan gayod.”

Job 11:7

“Matugkad ba nimo ang lalom nga mga butang sa Dios? Matukib ba nimo ang kinutoban sa Labing Gamhanan?

Job 19:6

hibaloi nga ang Dios nagbutang kanako diha sa sayop, ug nagtak-op sa iyang pukot libot kanako.

Job 5:17

“Bulahan ang tawo nga gibadlong sa Dios; busa ayaw tamaya ang mga pagpanton sa Labing Gamhanan.

Job 6:4

Kay ang mga pana sa Labing Gamhanan ania kanako, ang akong espiritu miinom sa ilang hilo, ug ang mga pagpanglisang sa Dios gihan-ay batok kanako.

Job 9:18

dili niya ako tugotan sa pagginhawa, hinuon gipuno niya ako sa kapaitan.

Salmo 73:14

Kay sa tibuok adlaw nagkalisod ako, ug gipanton sa matag buntag.

Salmo 88:15

Gisakit ug duol na sa kamatayon sukad pa sa akong pagkabatan-on hangtod karon, ako nag-antos sa imong mga paglisang; nawad-an na ako sa paglaom.

Exodo 15:23

Sa pag-abot nila sa Mara, wala sila makahimo sa pag-inom sa tubig sa Mara kay pait man kini. Tungod niana, ginganlan ang dapit ug Mara.

Exodo 6:3

Ako mipakita kang Abraham, kang Isaac ug kang Jacob, ingon nga Dios nga Labing Gamhanan apan sa akong ngalan, Yahweh, wala ako magpaila kanila.

Isaias 38:13

Ako nagtuaw hangtod sa pagkabuntag; sama sa usa ka liyon, siya nagdugmok sa tanan nakong mga bukog; gikan sa adlaw hangtod sa gabii ikaw maoy magtapos kanako.

Mga Hebreo 12:11

Sa pagkakaron, ang tanang pagpanton daw dili makalipay, hinuon makaguol kini, apan sa kaulahian kini mamunga ug kalinaw ug katarong ngadto kanila nga namatuto pinaagi niini.

Gipadayag 1:8

“Ako mao ang Alfa ug ang Omega,” nag-ingon ang Ginoong Dios nga mao karon ug mao kaniadto ug mao ang umaabot, ang Makagagahom sa Tanan.

Gipadayag 21:22

Ug wala akoy nakitang templo sa siyudad, kay ang templo niini mao man ang Ginoong Dios nga Makagagahom sa Tanan ug ang Nating Karnero.