Ruth 1:17

Ang Biblia 2011

Asa ikaw mamatay adto ako mamatay, ug adto ako ilubong. Magbuhat unta sa ingon ang Ginoo kanako ug labaw pa usab, kon ang kamatayon magbulag kanako gikan kanimo!”

Cross References

2 Samuel 15:21

Apan si Itai mitubag sa hari, “Ingon nga ang Ginoo buhi, ug ingon nga ang akong agalong hari buhi, bisan asa moadto ang akong agalong hari, bisan sa kamatayon o sa kinabuhi, didto usab ang imong sulugoon.”

2 Samuel 19:13

Ug ingna ninyo si Amasa, ‘Dili ba ikaw mao ang akong bukog ug akong unod? Ang Dios magbuhat sa ingon kanako ug labaw pa usab, kon ikaw dili magmando sa akong kasundalohan ingon nga puli ni Joab.’ ”

2 Samuel 3:35

Unya ang tibuok katawhan miadto aron sa pag-aghat kang David sa pagkaon ug pan samtang adlaw pa, apan si David nanumpa nga nag-ingon, “Ang Dios magbuhat sa ingon ngari kanako ug labaw pa kon ako motilaw ug pan o bisan unsa hangtod nga ang adlaw mosalop!”

2 Samuel 3:9

Ang Dios maghimo sa ingon kang Abner ug labaw pa gayod, kon dili nako mahimo alang kang David ang gipanumpa sa Ginoo ngadto kaniya,

1 Mga Hari 13:31

Ug human niya siya ikalubong, siya miingon sa iyang mga anak nga lalaki, “Kon ako mamatay, ilubong ako sa lubnganan diin ang tawo sa Dios gilubong; ibutang ang akong mga bukog tupad sa iyang mga bukog.

1 Mga Hari 19:2

Unya si Jesebel nagpadala ug usa ka sulugoon ngadto kang Elias nga nag-ingon, “Buhaton unta sa mga dios kanako, ug labaw pa usab, kon dili nako mahimo ang imong kinabuhi nga sama sa kinabuhi sa usa kanila sa pagkaugma ingon niining taknaa.”

1 Mga Hari 2:23

Unya si Hari Solomon nanumpa diha sa Ginoo nga nag-ingon, “Ang Dios magbuhat unta sa ingon kanako ug labaw pa, kon kining pulonga wala magkahulogan sa kinabuhi ni Adonias!

1 Mga Hari 20:10

Ug si Ben-hadad nagsugo ngadto kaniya ug miingon, “Ang mga dios magbuhat sa ingon kanako ug labaw pa usab, kon ang abog sa Samaria makaigo sa mga hakop alang sa tanang katawhan nga nagsunod kanako.”

2 Mga Hari 6:31

Unya siya miingon, “Ang Dios maghimo unta sa ingon kanako, ug labaw pa usab, kon ang ulo ni Eliseo nga anak ni Safat nagpabilin pa sa iyang abaga niining adlawa.”

Salmo 45:10

Pamati, O anak nga babaye, pamalandong ug ikiling ang imong igdulungog; kalimti ang imong katawhan ug ang balay sa imong amahan,

Mga Buhat 11:23

Sa dihang miabot siya ug nakita ang grasya sa Dios, siya nalipay ug iyang gidasig ang tanan sa pagpabilin diha sa Ginoo uban sa kinasingkasing nga katuyoan

Mga Buhat 20:24

Hinuon ako wala mag-isip sa akong kinabuhi nga bililhon o mahalon alang kanako, basta lamang mahuman nako ang akong tulumanon ug ang katungdanan nga akong nadawat gikan sa Ginoong Jesus, sa pagsaksi alang sa Maayong Balita sa grasya sa Dios.

Ruth 1:16

Apan si Ruth miingon, “Ayaw ako agdaha sa pagbiya kanimo o sa pagpauli gikan sa pagsunod kanimo, kay bisan asa ikaw moadto ako moadto, ug bisan asa ikaw mopuyo ako mopuyo; ang imong katawhan mahimo nga akong katawhan, ug ang imong Dios mahimo nga akong Dios.

Ruth 4:15

Ug alang kanimo siya mahimong tigpahiuli sa kinabuhi ug tiglig-on kanimo sa imong pagkatigulang kay ang imong umagad nga babaye nga nahigugma kanimo nga labaw pang maayo kanimo kay sa pito ka anak nga lalaki, nanganak kaniya.”

1 Samuel 14:44

Ug si Saul miingon, “Ang Dios maghimo niana kanako ug labaw pa, ikaw mamatay gayod, Jonatan.”

1 Samuel 20:13

Apan kon ikalipay sa akong amahan ang pagbuhat ug daotan kanimo, ang Ginoo maghimo sa ingon kang Jonatan, ug labaw pa gani kon dili ako motug-an kanimo ug mopakagiw kanimo aron malayo ikaw sa kakuyaw. Ang Ginoo mag-uban unta kanimo ingon nga siya nag-uban kaniadto sa akong amahan.

1 Samuel 25:22

Ang Dios maghimo niini ngadto kang David, ug labaw pa usab, kon sa pagkabuntag, may ibilin ako sa tanan niyang kabtangan bisan usa ka lalaki.”

1 Samuel 3:17

Ug si Eli miingon, “Unsa man ang gisulti niya kanimo? Ayaw kana ililong kanako. Ang Dios maghimo unta sa ingon nganha kanimo ug labi pa gayod usab kon ikaw maglilong sa bisan unsa gikan kanako sa tanang mga butang nga iyang gisulti kanimo.”