Ruth 1:14

Ang Biblia 2011

Unya sa kusog nga tingog nanghilak sila pag-usab. Ug si Orpa mihalok sa iyang ugangan nga babaye, apan si Ruth migunit kaniya.

Cross References

Genesis 31:28

Ngano nga wala man nimo ako tugoti sa paghalok sa akong mga apo ug sa akong mga anak nga babaye? Karon binuang ang imong gibuhat.

Genesis 31:55

Sayo sa kabuntagon, si Laban mibangon ug mihalok sa iyang mga apo, sa iyang mga anak nga babaye, ug sila iyang gipanalanginan. Ug si Laban migikan ug mipauli sa iyang dapit.

2 Samuel 19:39

Busa ang tibuok katawhan mitabok sa Jordan ug ang hari mitabok ug ang hari mihalok kang Barsilai ug mipanalangin kaniya ug mipauli siya sa kaugalingon niyang balay.

1 Mga Hari 19:20

Ug iyang gibiyaan ang mga baka ug migukod kang Elias ug miingon, “Ako naghangyo kanimo, pahaloka ako sa akong amahan ug sa akong inahan ug unya mosunod ako kanimo.” Ug siya miingon kaniya, “Balik pag-usab, unsa ba ang akong nabuhat kanimo?”

Mga Panultihon 17:17

Ang usa ka higala mahigugma sa tanang panahon, ug ang usa ka igsoon natawo alang sa kalisdanan.

Mga Panultihon 18:24

Adunay mga higala nga magpakaaron-ingnon nga mga higala, apan adunay usa ka higala nga magpabilin nga suod pa kay sa usa ka igsoon.

Isaias 14:1

Ang Ginoo maluoy kang Jacob, ug pilion na usab niya ang Israel, ug ipahiluna sila sa ilang kaugalingong yuta, ug ang mga langyaw makigtipon kanila ug motipon sila sa balay ni Jacob.

Zacarias 8:23

Mao kini ang giingon sa Ginoo sa mga panon: Nianang mga adlawa napulo ka tawo gikan sa tanang mga pinulongan sa mga nasod ang mokupot sa kupo sa usa ka Judio, nga mag-ingon, ‘Paubana kami kanimo kay kami nakadungog nga ang Dios nag-uban kanimo.’ ”

Mateo 10:37

Ang nahigugma sa iyang amahan o inahan labaw kanako, dili takos kanako, ug ang nahigugma sa iyang anak nga lalaki o anak nga babaye labaw kanako, dili takos kanako,

Mateo 16:24

Ug si Jesus miingon sa iyang mga tinun-an, “Kon adunay buot mosunod kanako, kinahanglang magdumili siya sa iyang kaugalingon ug magpas-an sa iyang krus, ug magsunod kanako.

Mateo 19:22

Apan sa pagkadungog sa batan-on niining pulonga, milakaw siya nga masulob-on kay daghan man siya ug katigayonan.

Mga Buhat 17:34

Apan may mga tawo nga mikuyog kaniya ug mituo, nga mao sila si Dionisio nga taga-Areopago ug ang usa ka babaye nga ginganlan ug Damaris, ug ang uban nga kuyog kanila.

Deuteronomio 10:20

Kahadloki ninyo ang Ginoo nga inyong Dios. Alagari siya ug pakighiusa kaniya ug panumpa pinaagi sa iyang ngalan.

Deuteronomio 4:4

Apan kamo nga nagpabilin sa Ginoo nga inyong Dios buhi hangtod niining adlawa.

2 Timoteo 4:10

Kay ako gibiyaan ni Demas tungod sa iyang gugma niining kalibotan karon, ug miadto sa Tesalonica. Si Cresente miadto sa Galacia, si Tito ngadto sa Dalmacia.

Mga Hebreo 10:39

Apan dili kita uban sa mga nanibog ug nangalaglag, kondili uban sa mga may pagtuo ngadto sa pagluwas sa ilang mga kalag.

Ruth 1:13

mohulat ba kamo hangtod sila mangdagko? Magpugong ba kamo sa pagminyo? Ayaw, akong mga anak, kay kana hilabihan ka pait alang kanako tungod kaninyo nga ang kamot sa Ginoo gibakyaw batok kanako.”

Ruth 1:15

Busa si Naomi miingon, “Tan-awa, ang imong bilas nga babaye mibalik ngadto sa iyang katawhan ug sa iyang mga dios, pauli sunod sa imong bilas.”

Ruth 1:7

Busa mibiya siya gikan sa dapit nga iyang gipuy-an uban sa iyang duha ka umagad nga babaye ug sila mipadayon sa pagpauli ngadto sa yuta sa Juda.

Ruth 2:11

Apan si Boas mitubag kaniya, “Gisuginlan na ako sa tanan nga imong nabuhat sa imong ugangan nga babaye sukad sa pagkamatay sa imong bana ug gibiyaan nimo ang imong amahan ug ang imong inahan ug ang imong yutang natawhan, ug mianhi ikaw sa usa ka katawhan nga wala nimo mailhi kaniadto.