Ruth 1:13

Ang Biblia 2011

mohulat ba kamo hangtod sila mangdagko? Magpugong ba kamo sa pagminyo? Ayaw, akong mga anak, kay kana hilabihan ka pait alang kanako tungod kaninyo nga ang kamot sa Ginoo gibakyaw batok kanako.”

Cross References

Genesis 38:11

Unya si Juda miingon kang Tamar nga iyang umagad nga babaye, “Pagpabilin nga biyuda sa balay sa imong amahan hangtod nga modako si Sela nga akong anak kay miingon siya, ‘Tingali ug mamatay usab siya sama sa iyang mga igsoon.’ ” Ug si Tamar milakaw ug mipuyo didto sa balay sa iyang amahan.

Job 19:21

Kaluy-i ako, kaluy-i ako, O kamo nga akong mga higala, kay ang kamot sa Dios nagtandog kanako!

Salmo 32:4

Kay sa adlaw ug sa gabii ang imong kamot bug-at ibabaw kanako; ang akong kusog nauga sama sa kainit sa ting-init. Selah

Salmo 38:2

Kay ang imong mga udyong mitaroy kanako, ug sa ibabaw nako nagdat-og ang imong kamot.

Deuteronomio 2:15

Kay ang kamot gayod sa Ginoo batok kanila aron sa paglaglag kanila gikan sa kampo, hangtod nga nangahanaw sila.

Mga Maghuhukom 2:15

Sa dihang manggula sila, ang kamot sa Ginoo batok kanila alang sa daotan, sumala sa gipasidaan sa Ginoo ug sumala sa gipanumpa sa Ginoo kanila ug sila nahimutang sa lisod nga kahimtang.

Ruth 1:12

Pamauli kamo, akong mga anak, padayon kamo kay tigulang na kaayo ako nga makabaton pa ug bana. Kon ako moingon, ako may paglaom, bisan pa kon ako makabaton ug bana niining gabhiona ug manganak ug mga lalaki,

Ruth 1:14

Unya sa kusog nga tingog nanghilak sila pag-usab. Ug si Orpa mihalok sa iyang ugangan nga babaye, apan si Ruth migunit kaniya.

Ruth 1:21

Ako migikan nga puno ug ang Ginoo nagdala kanako balik nganhi nga walay dala. Nganong tawgon man ako ug Naomi nga gipaantos man ako sa Ginoo ug ang Labing Gamhanan nagpadala nganhi kanako ug katalagman?”

1 Samuel 5:11

Busa ilang gipasugoan ug gitigom ang tanang pangulo sa mga Filistihanon ug sila miingon, “Ipalayo ang sudlanan sa kasabotan sa Dios sa Israel ug ipabalik kana ngadto sa iyang dapit aron dili kana mopatay kanato ug sa atong katawhan,” kay dihay makamatay nga kalisang sa tibuok nga siyudad. Ang kamot sa Dios bug-at kaayo didto.