Numeros 9:7

Ang Biblia 2011

Ug ang maong mga tawo miingon kaniya, “Kami nahugaw tungod sa paghikap sa lawas sa usa ka minatay. Nganong did-an man kami sa paghalad ug halad alang sa Ginoo sa iyang gitakdang panahon diha sa katawhan sa Israel?”

Cross References

Exodo 12:27

Kamo moingon, ‘Mao kini ang halad sa Pagsaylo sa Ginoo kay misaylo siya sa mga balay sa katawhan sa Israel didto sa Ehipto, sa dihang gipamatay niya ang mga Ehiptohanon, apan gisayloan niya ang atong mga panimalay.’ ” Ug ang katawhan miduko ug misimba.

Numeros 9:2

“Ipasaulog sa katawhan sa Israel ang Pagsaylo sa gitakda nga panahon niini.

Numeros 9:6

Apan dihay ubang mga tawo nga nahugaw tungod sa paghikap sa lawas sa usa ka minatay ug wala sila makahimo sa pagsaulog sa Pagsaylo niadtong adlawa. Busa miadto sila ni Moises ug ni Aaron niadtong adlawa.

Numeros 9:8

Ug si Moises miingon kanila, “Paghulat kamo aron mamati ako kon unsay isugo sa Ginoo mahitungod kaninyo.”

Deuteronomio 16:2

Ug paghalad kamo ug inihaw alang sa Pagsaylo ngadto sa Ginoo nga inyong Dios, gikan sa mga karnero ug gikan sa mga baka didto sa dapit nga pilion sa Ginoo nga papuy-an sa iyang ngalan.