Numeros 9:6

Ang Biblia 2011

Apan dihay ubang mga tawo nga nahugaw tungod sa paghikap sa lawas sa usa ka minatay ug wala sila makahimo sa pagsaulog sa Pagsaylo niadtong adlawa. Busa miadto sila ni Moises ug ni Aaron niadtong adlawa.

Cross References

Exodo 18:15

Si Moises miingon sa iyang ugangan, “Kay ang katawhan moanhi kanako aron sa pagpakisayod mahitungod sa Dios.

Exodo 18:19

Karon pamati sa akong tingog, tambagan ko ikaw ug ang Dios mag-uban unta kanimo! Tindog alang sa katawhan sa atubangan sa Dios ug dad-a ang ilang mga panagbangi ngadto sa Dios.

Exodo 18:26

Ug sila naghukom sa katawhan sa tanang panahon. Ang mga lisod nga butang gidala nila ngadto kang Moises apan sa bisan unsang gamay nga butang, sila ang naghukom.

Levitico 21:11

Dili siya moadto sa bisan kinsa nga tawong patay o maghugaw sa iyang kaugalingon bisan tungod sa iyang amahan o tungod sa iyang inahan.

Levitico 24:11

Ang lalaki nga anak sa babaye nga Israelinhon mipasipala sa Ngalan ug nanunglo. Ug gidala nila siya ngadto kang Moises. Ang iyang inahan ginganlan ug Selomit, anak ni Debri, sa banay ni Dan.

Numeros 15:33

Ug sila nga nakakita kaniya nga namunit ug igsusugnod, midala kaniya ngadto kang Moises ug kang Aaron ug ngadto sa tibuok nga katilingban.

Numeros 19:11

“Ang makahikap sa patay nga lawas ni bisan kinsa mahugaw sa pito ka adlaw.

Numeros 19:14

“Kini mao ang balaod sa diha nga ang usa ka tawo mamatay sulod sa tolda: ang matag usa nga mosulod sa tolda ug ang tanan nga anaa sa tolda, mahugaw sa pito ka adlaw.

Numeros 19:16

Ug si bisan kinsa nga anaa sa kapatagan nga makahikap sa gipatay pinaagi sa espada o makahikap sa lawas nga patay o sa bukog sa usa ka tawo o sa lubnganan, mahugaw siya sulod sa pito ka adlaw.

Numeros 19:18

Unya ang usa ka tawo nga hinlo magkuha ug hisopo ug ituslob diha sa tubig ug iwisik sa tolda ug sa tanang mga kasangkapan ug sa mga tawo nga atua didto ug ngadto sa nakahikap sa bukog o sa gipatay o sa minatay o sa lubnganan.

Numeros 27:2

Ug mitindog sila sa atubangan ni Moises ug sa atubangan ni Eleasar nga pari, ug sa atubangan sa mga pangulo ug sa tibuok nga katilingban, didto sa pultahan sa tolda nga tagboanan ug nag-ingon,

Numeros 27:5

Busa gidala ni Moises ang ilang gipangayo sa atubangan sa Ginoo.

Numeros 5:2

“Sugoa ang katawhan sa Israel nga papahawaon nila sa kampo ang tanang sanlahon ug ang tanang may nag-agos ug ang tanan nga nahugaw tungod sa minatay.

Numeros 9:7

Ug ang maong mga tawo miingon kaniya, “Kami nahugaw tungod sa paghikap sa lawas sa usa ka minatay. Nganong did-an man kami sa paghalad ug halad alang sa Ginoo sa iyang gitakdang panahon diha sa katawhan sa Israel?”

Juan 18:28

Unya ilang gidala si Jesus gikan sa balay ni Caifas ngadto sa palasyo sa gobernador. Sayo kadto sa kabuntagon ug sila wala mosulod sa palasyo aron dili sila mahugawan ug aron makakaon sila sa Kasaulogan sa Pagsaylo.