Numeros 9:17

Ang Biblia 2011

Ug sa diha nga ang panganod mopataas gikan sa ibabaw sa Tolda, human niana, ang katawhan sa Israel manglakaw, ug sa dapit diin ang panganod mohunong, didto magpahiluna sa kampo ang katawhan sa Israel.

Cross References

Salmo 32:8

Pahimatngonan nako ikaw ug tudloan sa dalan nga imong laktan; tambagan nako ikaw uban ang akong mga mata nganha kanimo.

Salmo 73:24

Ikaw magmando kanako pinaagi sa imong pagtambag, ug unya dawaton nimo ako sa himaya.

Exodo 17:1

Ang tibuok nga katilingban sa katawhan sa Israel mipanaw nga hugna-hugna gikan sa kamingawan sa Sin, sumala sa sugo sa Ginoo. Ug nagkampo sila sa Refidim, apan didto walay tubig nga mainom sa mga tawo.

Isaias 49:10

dili sila gutomon o uhawon, ang init nga hangin o ang adlaw dili mohampak kanila, kay siya nga adunay kaluoy kanila magmando kanila, ug sa daplin sa mga tuboran sa tubig siya magtultol kanila.

Numeros 9:22

Bisan ug duha ka adlaw o usa ka bulan o taastaas nga panahon nga ang panganod magpadayon pa sa ibabaw sa Tolda, magpabilin niini, ang katawhan sa Israel magpabilin sa kampo ug dili manglakaw. Apan kon kini mopataas, sila manglakaw.

Juan 10:9

Ako mao ang pultahan, kon adunay mosulod agi kanako, siya maluwas ug siya mosulod ug mogula ug makakaplag siya ug masibsib.