Numeros 9:15

Ang Biblia 2011

Sa adlaw nga ang Tolda gipatindog, ang panganod mitabon sa Tolda, sa tolda sa pagpamatuod. Ug sa gabii, sama kini sa dagway sa kalayo ibabaw sa Tolda hangtod sa pagkabuntag.

Cross References

Nehemias 9:12

Pinaagi sa usa ka haligi nga panganod ikaw nag-una kanila sa adlawan ug pinaagi sa usa ka haligi nga kalayo sa pagkagabii, aron sa pag-iwag kanila sa dalan nga ilang agian.

Nehemias 9:19

ikaw sa imong dakong kaluoy wala mobiya kanila didto sa kamingawan. Ang haligi nga panganod wala mobiya sa ibabaw nila sa panahon sa adlaw aron sa pagtultol kanila sa dalan ug ang haligi nga kalayo sa pagkagabii, aron sa pag-iwag kanila sa dalan nga ilang agian.

Salmo 105:39

Gibuklad niya ang usa ka panganod aron mahimong salimbong, ug kalayo nga maghatag ug kahayag panahon sa kagabhion.

Salmo 78:14

Sa adlawan gitultolan niya sila pinaagi sa usa ka panganod, ug sa tibuok nga gabii pinaagi sa usa ka kahayag sa kalayo.

Exodo 13:21

Ang Ginoo nag-una kanila sa pagkaadlaw pinaagi sa usa ka haligi nga panganod aron magtultol kanila sa dalan, ug sa kagabhion pinaagi sa usa ka haligi nga kalayo aron sa pag-iwag kanila, aron sila makalakaw sa adlaw ug sa gabii.

Exodo 13:22

Ang haligi nga panganod panahon sa adlaw ug ang haligi nga kalayo panahon sa gabii wala mobiya sa atubangan sa mga tawo.

Exodo 14:24

Sa pagkabuntag, gitan-aw sa Ginoo ang panon sa mga Ehiptohanon gikan sa haligi nga kalayo ug sa panganod, ug gigubot niya ang kasundalohan nga Ehiptohanon.

Exodo 40:2

“Sa unang adlaw sa unang bulan, kinahanglan nga patindogon nimo ang Tolda, ang tolda nga tagboanan.

Exodo 40:34

Unya ang panganod mitabon sa tolda nga tagboanan ug ang himaya sa Ginoo milukop sa Tolda.

Exodo 40:35

Si Moises wala makahimo sa pagsulod sa tolda nga tagboanan, kay ang panganod nagpabilin sa ibabaw niini ug ang himaya sa Ginoo milukop sa Tolda.

Exodo 40:38

Kay sa tibuok nilang panaw, ang panganod sa Ginoo anaa sa ibabaw sa Tolda, panahon sa adlaw ug ang kalayo anaa niini panahon sa gabii, makita sa tibuok nga banay ni Israel.

Isaias 4:5

Unya ang Ginoo, ibabaw sa tibuok nga puluy-anan sa bukid sa Zion ug ibabaw sa iyang panagtigom, maghimo ug panganod ug aso panahon sa adlaw, ug dan-ag sa nagsiga nga kalayo panahon sa gabii, kay sa ibabaw sa tibuok himaya ibuklad ang usa ka pandong.

Numeros 10:34

Ug ang panganod sa Ginoo diha sa ibabaw nila sa adlawan, sa diha nga mogikan sila sa kampo.

Numeros 14:14

ug isugilon nila kini sa mga nagpuyo niining yutaa nga sila nakadungog nga ikaw, O Ginoo, anaa sa taliwala niining maong katawhan, nga sa nawong ug nawong nakita ikaw, O Ginoo, ug ang imong panganod nagbarog sa ibabaw nila ug sa adlaw ikaw naglakaw nga nag-una kanila sa usa ka haligi nga panganod ug sa gabii sa usa ka haligi nga kalayo.

Numeros 17:7

Ug gibutang ni Moises ang mga sungkod sa atubangan sa Ginoo didto sa tolda sa pagpamatuod.

1 Mga Taga-Corinto 10:1

Mga igsoon, dili ako buot nga kamo dili mahibalo nga ang tanan natong katigulangan nailalom sa panganod ug silang tanan mitabok sa dagat,

Deuteronomio 1:33

nga nag-una kaninyo sa dalan aron sa pagpangita ug dapit kon asa kamo magpahiluna sa inyong mga tolda, pinaagi sa kalayo panahon sa gabii, aron sa pagpakita kaninyo sa dalan nga inyong subayan, ug pinaagi sa panganod panahon sa adlaw.