Numeros 9:14

Ang Biblia 2011

Ug kon magpuyo sa taliwala ninyo ang usa ka langyaw ug magsaulog sa Pagsaylo alang sa Ginoo, buhaton niya kini sumala sa lagda sa Kasaulogan sa Pagsaylo ug sumala sa mga tulumanon niini. Usa lamang ang inyong lagda, alang sa langyaw ug alang sa lumad.”

Cross References

Esdras 6:21

Gikaon kini sa katawhan sa Israel nga mipauli gikan sa pagkabihag ug usab sa matag usa nga mitipon kanila ug mibulag gikan sa pagkahugaw sa mga katawhan sa yuta aron sa pagsimba sa Ginoo, ang Dios sa Israel.

Exodo 12:43

Unya ang Ginoo miingon kang Moises ug kang Aaron, “Kini mao ang tulumanon sa Kasaulogan sa Pagsaylo. Kinahanglan nga walay langyaw nga mokaon niini.

Exodo 12:47

Ang tibuok katilingban sa Israel kinahanglan nga magtuman niini.

Levitico 19:10

Ayaw hagdawi ang inyong parasan, ayaw usab pamunita ang mga bunga nga nahulog sa parasan; ibilin kini alang sa mga kabos ug sa dumuduong. Ako mao ang Ginoo nga inyong Dios.

Levitico 22:25

Bisan ang gikan sa kamot sa usa ka langyaw, ayaw kamo paghalad ingon nga pagkaon sa inyong Dios gikan niining mga butanga kay may apan kini sila, kini adunay tatsa, dili kini madawat alang kaninyo.”

Levitico 24:22

Usa lamang ka balaod alang sa dumuduong ug alang sa lumad, kay ako mao ang Ginoo nga inyong Dios.”

Levitico 25:15

Sumala sa gidaghanon sa mga tuig human sa tuig sa kalipay ikaw magpalit gikan sa imong isigkatawo, sumala sa gidaghanon sa mga tuig nga kini may abot ibaligya niya kini.

Numeros 15:15

Alang sa katilingban, adunay usa lamang ka lagda alang kaninyo ug alang sa langyaw nga nagpuyo uban kaninyo, usa ka lagda nga walay kataposan ngadto sa inyong mga kaliwatan; sama kaninyo, mao usab ang usa ka langyaw sa atubangan sa Ginoo.

Numeros 15:16

Usa ka balaod ug usa ka tulumanon alang kaninyo ug alang sa usa ka langyaw nga nagpuyo uban kaninyo.”

Deuteronomio 29:11

ang inyong mga bata, ang inyong mga asawa, ug ang langyaw nga anaa sa kampo, sila nga tigputol sa inyong sugnod ug tigkalos sa inyong tubig,

Deuteronomio 31:12

Tigoma ang katawhan, ang mga lalaki, ang mga babaye, ang mga bata ug ang mga langyaw nga anaa sa inyong mga lungsod aron sila makadungog ug makakat-on sa pagkahadlok sa Ginoo nga inyong Dios ug magmatngon sa pagbuhat sa tanang mga pulong niini nga Balaod,