Numeros 9:13

Ang Biblia 2011

Apan ang tawo nga hinlo ug wala mopanaw sa layo, kon magdumili siya sa pagsaulog sa Pagsaylo, ang maong tawo ipahimulag gikan sa iyang katawhan tungod kay wala siya maghalad sa iyang halad alang sa Ginoo sa gitakdang panahon niini; ang maong tawo magpas-an sa iyang sala.

Cross References

Genesis 17:14

Ug ang lalaki nga wala matuli ang iyang yamis ipahimulag gikan sa iyang katawhan. Siya naglapas sa akong kasabotan.”

Exodo 12:15

Pito ka adlaw kamong magkaon ug pan nga walay patubo. Sa unang adlaw, ipalayo ang tanang patubo sa pan gikan sa inyong mga balay kay si bisan kinsa nga mokaon ug bisan unsa nga may patubo sukad sa unang adlaw hangtod sa ikapito, ang maong tawo ipahimulag gikan sa Israel.

Exodo 12:19

Sulod sa pito ka adlaw kinahanglan nga walay patubo nga makaplagan diha sa inyong mga balay, kay si bisan kinsa nga mokaon niadtong may patubo, kanang tawhana ipahimulag gikan sa katilingban sa Israel, langyaw man siya o lumad sa yuta.

Exodo 12:47

Ang tibuok katilingban sa Israel kinahanglan nga magtuman niini.

Exodo 30:33

Si bisan kinsa nga magsagol ug sama niini ug magbutang niini sa usa ka langyaw, ipahimulag siya gikan sa iyang katawhan.’ ”

Exodo 30:38

Si bisan kinsa nga magbuhat ug sama niini aron gamiton ingon nga pahumot, kinahanglan nga ipahimulag gikan sa iyang katawhan.”

Ezequiel 23:49

Ug ang inyong kalaw-ay paninglon diha kaninyo ug kamo magpas-an sa silot sa inyong makasasalang pagsimba sa mga diosdios; ug kamo makaila nga ako mao ang Ginoong Dios.”

Levitico 17:10

“Si bisan kinsang tawhana sa banay sa Israel o sa mga dumuduong nga nagpuyo sa taliwala nila nga magkaon sa bisan unsa nga dugo, akong ipaatubang ang akong nawong batok nianang tawhana nga magkaon ug dugo ug ipahimulag nako siya gikan sa iyang katawhan.

Levitico 17:4

ug wala niya kini dad-a ngadto sa pultahan sa tolda nga tagboanan aron sa paghalad niini ingon nga halad alang sa Ginoo sa atubangan sa puluy-anan sa Ginoo, ang maong tawo sad-an tungod sa dugo. Nag-ula siya ug dugo ug kadtong tawhana ipahimulag gikan sa taliwala sa iyang katawhan.

Levitico 20:20

Kon ang usa ka tawo makighilawas sa asawa sa iyang uyoan, gibuksan niya ang pagkahubo sa iyang uyoan, ang ilang sala pas-anon nila ug mangamatay sila nga walay anak.

Levitico 22:9

Busa kinahanglang tumanon gayod nila ang akong tugon aron dili sila makasala tungod niini ug mangamatay kon ilang pasipad-an kini. Ako mao ang Ginoo nga nagbalaan kanila.

Levitico 24:15

Ug sultihi ang katawhan sa Israel: Si bisan kinsa nga magsulti ug pasipala batok sa iyang Dios magpas-an sa iyang sala.

Numeros 19:13

Si bisan kinsa nga makahikap ug minatay, sa lawas sa tawo nga namatay, ug dili siya manghinlo sa iyang kaugalingon naghugaw siya sa Tolda sa Ginoo ug ang maong tawo ipahimulag gikan sa Israel. Tungod kay ang tubig sa paghinlo wala man ikasablig sa ibabaw niya, mahugaw siya ug ang iyang pagkahugaw anaa pa kaniya.

Numeros 19:20

“Apan ang tawo nga nahugaw ug wala manghinlo sa iyang kaugalingon, ang maong tawo ipahimulag gikan sa taliwala sa katilingban tungod kay gihugawan niya ang balaang dapit sa Ginoo. Tungod kay ang tubig sa paghinlo wala ikasablig kaniya hugaw siya.

Numeros 5:31

Ug ang lalaki mahigawas sa kasal-anan, apan ang babaye magpas-an sa iyang kasal-anan.”

Numeros 9:7

Ug ang maong mga tawo miingon kaniya, “Kami nahugaw tungod sa paghikap sa lawas sa usa ka minatay. Nganong did-an man kami sa paghalad ug halad alang sa Ginoo sa iyang gitakdang panahon diha sa katawhan sa Israel?”

Mga Hebreo 12:25

Tan-awa nga dili ninyo isalikway siya nga nagsulti. Kay kon wala man gani sila makaikyas sa dihang gisalikway nila siya nga nagpasidaan kanila dinhi sa yuta, labaw pa gayod nga dili kita makaikyas kon kita magsalikway kaniya nga nagpasidaan kanato gikan sa langit.

Mga Hebreo 2:3

unsaon man nato sa pag-ikyas kon dili kita manumbaling sa maong dako kaayong kaluwasan? Kini sa sinugdan gipamulong sa Ginoo, ug unya nganhi kanato gipamatud-an nila nga mga nakadungog kaniya.

Mga Hebreo 6:6

kon sila mobiya kay gilansang man nila pag-usab ang Anak sa Dios ug gipakaulawan siya sa dayag.

Mga Hebreo 9:28

mao usab si Cristo, human makahalad sa makausa aron sa pagkuha sa mga sala sa daghan motungha sa ikaduhang higayon, dili mahitungod sa sala, kondili sa pagluwas kanila nga mainitong nagpaabot kaniya.