Numeros 8:26

Ang Biblia 2011

apan motabang sila sa ilang mga igsoon sulod sa tolda nga tagboanan sa pagtuman sa katungdanan ug dili sa pag-alagad. Mao kini ang imong buhaton sa mga Levihanon mahitungod sa ilang katungdanan.”

Cross References

1 Cronicas 23:32

Sa ingon sila ang mag-atiman sa tolda nga tagboanan ug sa balaang dapit ug mag-atiman sa mga anak nga lalaki ni Aaron nga ilang mga kaigsoonan, alang sa pag-alagad diha sa balay sa Ginoo.”

Ezequiel 44:11

Sila mahimong mga alagad sa akong balaang dapit, nga may katungdanan sa pagbantay sa mga ganghaan sa Templo, ug mag-alagad sa sulod sa Templo. Sila ang mopatay sa halad nga sunogon ug sa halad alang sa katawhan ug sila magtindog sa atubangan nila aron sa pag-alagad kanila.

Ezequiel 44:8

Ug wala ninyo bantayi ang akong mga butang nga balaan, hinuon gitudlo ninyo ang mga langyaw aron magbantay diha sa akong balaang dapit.

Numeros 1:53

Apan ang mga Levihanon magpahiluna libot sa tolda sa pagpamatuod, aron walay kaligutgot nga moabot sa katilingban sa katawhan sa Israel, ug ang mga Levihanon magdumala sa tolda sa pagpamatuod.”

Numeros 18:4

Motabang sila kanimo ug magtuman sila sa katungdanan sa tolda nga tagboanan, sa tanan nga mga pag-alagad sa Tolda, ug kinahanglan nga walay lain nga moduol kaninyo.

Numeros 3:32

Ug si Eleasar nga anak ni Aaron nga pari mao ang labaw sa mga pangulo sa mga Levihanon. Siya magdumala kanila nga gitugyanan sa balaang dapit.

Numeros 31:30

Ug gikan sa katunga nga alang sa katawhan sa Israel magkuha ikaw ug usa sa matag 50 sa mga tawo, sa mga baka, sa mga asno ug sa mga karnero, sa tanan nga kahayopan, ug ihatag ngadto sa mga Levihanon nga nangatungdanan sa pagbantay sa Tolda sa Ginoo.”

Numeros 8:25

Ug inig-abot sa panuigon nga 50 ka tuig mohunong sila sa pagbuhat sa pag-alagad ug dili na gayod sila mag-alagad,

1 Timoteo 4:15

Buhata kining mga butanga ug igahin ang imong kaugalingon alang niini aron ang imong pag-uswag madayag sa tanan.