Numeros 8:19

Ang Biblia 2011

Ug akong gihatag ang mga Levihanon ingon nga gasa kang Aaron ug sa iyang mga anak nga lalaki gikan sa taliwala sa katawhan sa Israel, aron magbuhat sila sa pag-alagad sa katawhan sa Israel diha sa tolda nga tagboanan ug sa paghimo sa pagtabon sa sala alang sa katawhan sa Israel aron walay katalagman sa taliwala sa katawhan sa Israel, sa diha nga moduol ang katawhan sa Israel sa balaang dapit.”

Cross References

Exodo 12:50

Busa gibuhat kini sa tanang katawhan sa Israel. Sumala sa gisugo sa Ginoo kang Moises ug kang Aaron sila nagbuhat.

Numeros 1:50

Apan itudlo ang mga Levihanon sa pagdumala sa tolda sa pagpamatuod ug sa pagdumala sa tanang mga galamiton niini, ug sa tanang mga butang nga may kalabotan niini. Sila ang magdala sa Tolda ug sa tanang mga galamiton niini ug sila mag-atiman niini, ug sila magkampo libot sa Tolda.

Numeros 1:53

Apan ang mga Levihanon magpahiluna libot sa tolda sa pagpamatuod, aron walay kaligutgot nga moabot sa katilingban sa katawhan sa Israel, ug ang mga Levihanon magdumala sa tolda sa pagpamatuod.”

Numeros 16:46

Ug si Moises miingon kang Aaron, “Kuhaa ang imong sudlanan sa insenso ug butangi kini ug kalayo nga gikan sa halaran, butangi ug insenso ang ibabaw niini, ug dad-a dayon ngadto sa katilingban, ug paghimo ug pagtabon sa sala alang kanila kay adunay kasuko nga migula gikan sa Ginoo, ang kamatay misugod na.”

Numeros 8:18

Ug gikuha nako ang mga Levihanon ingon nga puli sa tanang mga kamagulangan sa katawhan sa Israel.

Numeros 8:20

Sa ingon niana gibuhat kini ni Moises ug ni Aaron ug sa tibuok nga katilingban sa katawhan sa Israel ngadto sa mga Levihanon ug sumala sa tanang mga butang nga gisugo sa Ginoo kang Moises mahitungod sa mga Levihanon, gibuhat kini sa katawhan sa Israel ngadto kanila.

1 Samuel 6:19

Iyang gipatay ang pipila ka tawo sa Bet-semes tungod kay sila mitan-aw sa sulod sa sudlanan sa kasabotan sa Ginoo. Iyang gipatay ang 70 ka tawo gikan kanila, ug ang mga tawo nagbangotan tungod kay ang Ginoo naghimo ug dakong pagpamatay diha sa katawhan.