Numeros 7:3

Ang Biblia 2011

Ug nagdala sila sa ilang mga halad sa atubangan sa Ginoo, unom ka karomata nga tinabonan ug napulo ug duha ka baka, usa ka karomata sa duha ka pangulo ug tagsa ka baka sa matag usa kanila. Ilang gidala kini sa atubangan sa Tolda.

Cross References

Genesis 45:19

Gisugo usab ikaw sa pag-ingon, ‘Buhata ninyo kini. Pagdala kamo ug mga sakyanan gikan sa yuta sa Ehipto alang sa inyong mga anak ug sa inyong mga asawa. Kuhaa ninyo ang inyong amahan ug anhi kamo.

Genesis 45:21

Ug ang mga anak ni Israel mihimo niini. Ug gihatagan sila ni Jose ug mga sakyanan sumala sa sugo sa Paraon ug sila gihatagan niya ug makaon alang sa ilang panaw.

Esdras 2:68

Ang uban nga pangulo sa mga panimalay, sa diha nga miabot sila sa balay sa Ginoo nga didto sa Jerusalem, naghimo ug mga paghalad nga kinabubut-on alang sa balay sa Dios, aron sa pagpatindog niini sa iyang dapit.

Exodo 25:2

“Sultihi ang katawhan sa Israel nga magdala sila ug halad alang kanako. Gikan sa tanang tawo nga naghatag sa kinabubut-on, dawata ang halad alang kanako.

Isaias 66:20

Ug ilang dad-on ang tanan ninyo nga mga kaigsoonan gikan sa tanan nga mga nasod ingon nga usa ka halad ngadto sa Ginoo, diha sa mga kabayo ug sa mga karwahi ug sa mga inatopan nga sakyanan, ug sa mga mula, ug sa mga kamilyo, ngadto sa akong balaan nga bukid nga Jerusalem, nag-ingon ang Ginoo, sa diha nga ang mga Israelinhon maghatod sa ilang halad nga pagkaon diha sa usa ka hinlo nga sudlanan ngadto sa balay sa Ginoo.

Amos 2:13

“Ania, iduot ko kamo diha sa inyong dapit, sama sa pag-aginod sa usa ka karomata nga napuno sa mga binugkos.

Numeros 7:4

Unya ang Ginoo miingon kang Moises,