Numeros 7:10

Ang Biblia 2011

Ug ang mga pangulo naghalad alang sa pagpahinungod sa halaran sa adlaw nga kini gidihogan ug ang mga pangulo nagdala sa ilang mga halad sa atubangan sa halaran.

Cross References

1 Mga Hari 8:63

Si Solomon naghalad 22,000 ka baka ug 120,000 ingon nga halad sa pakigdait ngadto sa Ginoo. Busa gihalad sa hari ug sa tanang katawhan sa Israel ang balay sa Ginoo.

2 Cronicas 7:5

Si Hari Solomon naghalad ug 22,000 ka baka ug 120,000 ka karnero ingon nga halad nga inihaw. Busa ang hari ug ang tibuok katawhan mihalad sa balay sa Dios.

2 Cronicas 7:9

Ug sa ikawalo nga adlaw sila naghimo ug balaan nga panagtigom kay ilang gihimo ang paghalad sa halaran sulod sa pito ka adlaw ug ang kasaulogan sulod sa pito ka adlaw.

Nehemias 12:27

Sa panahon sa paghalad sa paril sa Jerusalem, ilang gipangita ang mga Levihanon sa tanan nilang mga dapit, aron sa pagdala kanila ngadto sa Jerusalem, aron sa pagsaulog sa paghalad uban sa kasadya, inubanan sa mga pagpasalamat ug sa pag-awit uban sa mga piyangpiyang, mga alpa ug mga lira.

Nehemias 12:43

Ug sila naghalad ug mga dagkong halad niadtong adlawa ug nagmalipayon, kay ang Dios naglipay kanila uban sa dakong paglipay ug ang mga babaye usab ug ang mga kabataan naglipay, ug ang kalipay sa Jerusalem nadungog ngadto sa layo.

Salmo 30:1

Dayegon ko ikaw, O Ginoo, kay gisakwat nimo ako, ug wala nimo tugti nga maglipay ang akong mga kaaway ibabaw kanako.

Numeros 7:1

Sa adlaw nga nahuman ni Moises ang Tolda ug nadihogan ug nabalaan kini lakip ang tanang mga kasangkapan niini, ug sa nadihogan ug nabalaan ang halaran ug ang tanang mga kahimanan niini,

Numeros 7:11

Ug ang Ginoo miingon kang Moises, “Magdala sila sa ilang halad, usa ka pangulo magdala sa matag adlaw, alang sa paghalad sa halaran.”

Numeros 7:84

Kini mao ang halad sa paghalad sa halaran, sa adlaw nga gidihogan kini, gikan sa mga pangulo sa Israel: napulo ug duha ka bandihado nga plata ug napulo ug duha ka planggana nga plata, napulo ug duha ka plato nga bulawan,

Numeros 7:88

ug ang tanang hayop alang sa mga halad sa pakigdait 24 ka torong baka, 60 ka laking karnero, 60 ka laking kanding ug 60 ka nating karnero nga laki nga usa ka tuig ang kagulangon. Kini mao ang halad sa paghalad sa halaran human kini gidihogan.

Deuteronomio 20:5

Unya ang mga pangulo sa mga sundalo mosulti sa katawhan nga mag-ingon, ‘Kinsa bang tawhana ang nakatukod ug bag-ong balay ug wala maghalad niini? Papaulia siya sa iyang balay kay tingali unya ug siya mamatay sa panggubatan ug laing tawo ang maghalad niini.