Numeros 6:9

Ang Biblia 2011

“Ug kon adunay tawo nga mamatay sa kalit duol kaniya ug nahugawan ang iyang binalaan nga ulo, kiskisan niya ang iyang ulo sa adlaw nga maputli na siya, sa ikapito nga adlaw kiskisan niya kini.

Cross References

Ezequiel 44:27

Ug sa adlaw nga siya mosulod sa balaang dapit, ngadto sa sulod nga hawanan, sa pag-alagad diha sa balaang dapit, siya maghalad sa iyang halad tungod sa sala, nag-ingon ang Ginoong Dios.

Levitico 14:8

Ug kadtong hinloan manglaba sa iyang mga bisti ug kiskison niya ang tanan niyang buhok ug maligo siya sa tubig ug mahinlo siya. Ug human niana mosulod siya sa kampo apan mopuyo siya sa gawas sa iyang tolda sulod sa pito ka adlaw.

Levitico 14:9

Sa ikapito nga adlaw kiskison niya ang tanang buhok sa iyang ulo ug sa iyang bungot ug sa mga kilay sa iyang mga mata, kiskison niya ang tanan niyang balhibo. Unya labhan niya ang iyang mga bisti ug ligoon niya ang iyang lawas sa tubig ug mahinlo siya.

Numeros 6:18

Ug ang Nazareo magpakiskis sa iyang binalaan nga ulo didto sa pultahan sa tolda nga tagboanan ug kuhaon niya ang mga buhok sa iyang binalaan nga ulo ug ibutang kini didto sa kalayo ubos sa inihaw nga halad sa pakigdait.

Numeros 6:8

Sa tanan nga adlaw sa iyang pagkaginahin, balaan siya alang sa Ginoo.

Mga Buhat 18:18

Human niini, si Pablo mipabilin didto sulod sa daghan pang mga adlaw, ug unya nanamilit siya sa mga kaigsoonan ug milawig padulong sa Siria, ug uban kaniya si Priscila ug si Aquila. Didto sa Cencrea giputlan niya ang iyang buhok tungod sa usa ka panaad nga iyang gihimo.

Mga Buhat 21:27

Sa hapit na matapos ang pito ka adlaw, ang mga Judio nga gikan sa Asia nga nakakita kaniya sulod sa Templo, nagpagubot sa tibuok pundok sa katawhan ug midakop kaniya,

Deuteronomio 21:12

dad-on nimo siya sa imong balay ug kiskisan niya ang iyang ulo ug putlan niya ang iyang mga kuko.