Numeros 6:5

Ang Biblia 2011

“Sa tanan nga adlaw sa iyang panumpa sa paggahin walay labaha nga moagi sa iyang ulo; hangtod nga matuman ang mga adlaw sa paggahin sa iyang kaugalingon alang sa Ginoo, magbalaan siya. Pasagdan niya nga motubo ang mga pungpong sa buhok sa iyang ulo.

Cross References

Ezequiel 44:20

Dili nila kiskisan ang ilang ulo o patas-on ang ilang mga pungpong sa buhok, putlan lamang nila ang buhok sa ilang mga ulo.

Numeros 6:4

Sa tanan nga adlaw sa iyang pagka-Nazareo siya dili magkaon bisan unsa nga binuhat gikan sa paras, bisan sa liso o sa panit.

Mga Buhat 18:18

Human niini, si Pablo mipabilin didto sulod sa daghan pang mga adlaw, ug unya nanamilit siya sa mga kaigsoonan ug milawig padulong sa Siria, ug uban kaniya si Priscila ug si Aquila. Didto sa Cencrea giputlan niya ang iyang buhok tungod sa usa ka panaad nga iyang gihimo.

Mga Maghuhukom 13:5

Kay tan-awa, magsamkon ikaw ug manganak ug usa anak nga lalaki. Ug walay labaha nga modapat sa iyang ulo kay ang bata mahimong usa ka Nazareo ngadto sa Dios gikan sa pagkatawo, ug siya magsugod sa pagluwas sa Israel gikan sa kamot sa mga Filistihanon.”

Mga Maghuhukom 16:17

Ug si Samson misugilon kaniya sa tibuok niyang kasingkasing ug miingon kaniya, “Wala pa gayoy labaha nga nakaagi sa akong ulo kay ako usa ka Nazareo ngadto sa Dios sukad sa taguangkan sa akong inahan. Kon ako matupihan, ang akong kusog mawala gikan kanako ug ako maluya ug mahimong sama sa ubang tawo.”

Mga Maghuhukom 16:19

Siya gipakatulog niya sa iyang mga tuhod ug nagpatawag siya sa usa ka tawo ug giputol ang pito ka hugpong sa buhok sa iyang ulo ug gisugdan ni Delaila ang pagpasakit kaniya ug ang kusog ni Samson nawala kaniya.

1 Samuel 1:11

Nagsaad siya ug miingon, “O Ginoo sa mga panon, kon ikaw magsud-ong sa kasakit sa imong ulipon nga babaye ug mahinumdom kanako ug dili kalimtan ang imong ulipon nga babaye, hinuon mohatag sa imong ulipon nga babaye ug usa ka anak nga lalaki, ako maghalad kaniya alang sa Ginoo sa tanang adlaw sa iyang kinabuhi, ug walay labaha nga modapat sa iyang ulo.”