Numeros 6:27

Ang Biblia 2011

“Busa ibutang nila ang akong ngalan sa ibabaw sa katawhan sa Israel ug ako magpanalangin kanila.”

Cross References

Genesis 32:26

Ug siya miingon, “Buhii ako kay banagbanag na.” Apan mitubag kaniya si Jacob, “Dili ko ikaw buhian hangtod nga panalanginan nimo ako.”

Genesis 32:29

Ug si Jacob miingon, “Naghangyo ako kanimo, isulti kanako ang imong ngalan.” Apan siya mitubag, “Nganong nangutana man ikaw sa akong ngalan?” Ug didto gipanalanginan niya siya.

2 Samuel 7:23

Unsa mang nasora sa kalibotan nga sama sa imong katawhan nga Israel nga giadto sa Dios aron lukaton aron mahimong iyang katawhan, naghimo kaniya ug usa ka ngalan, ug nagbuhat alang kanila ug dagko ug makalilisang nga mga butang pinaagi sa pag-abog sa atubangan sa iyang katawhan sa mga nasod ug sa ilang mga diosdios?

1 Cronicas 4:10

Si Jabes nagsangpit sa Dios sa Israel, nga nag-ingon, “O, hinaot unta nga panalanginan nimo ako ug padak-an ang akong utlanan ug nga ang imong kamot mag-uban kanako ug ikaw maglikay kanako gikan sa kadaotan aron dili kini makadaot kanako!” Ug ang Dios mihatag kaniya sa iyang gipangayo.

2 Cronicas 7:14

kon ang akong katawhan nga gitawag sa akong ngalan magpaubos sa ilang kaugalingon ug mag-ampo ug mangita sa akong nawong ug motalikod gikan sa ilang mga daotang pamaagi, ako mamati gikan sa langit ug magpasaylo sa ilang mga sala ug mag-ayo sa ilang yuta.

Salmo 5:12

Kay ikaw magpanalangin sa mga matarong, O Ginoo, ikaw magtabon kaniya uban sa kaluoy ingon sa usa ka taming.

Salmo 67:7

Ang Dios nagpanalangin kanato; himoa nga ang tanang kinatumyan sa yuta mangahadlok kaniya!

Exodo 6:3

Ako mipakita kang Abraham, kang Isaac ug kang Jacob, ingon nga Dios nga Labing Gamhanan apan sa akong ngalan, Yahweh, wala ako magpaila kanila.

Isaias 43:7

ang tanan nga gitawag pinaagi sa akong ngalan, nga akong gibuhat alang sa akong himaya, nga akong giumol ug gibuhat.”

Jeremias 14:9

Ngano nga sama man ikaw sa usa ka tawo nga nalibog, sama sa usa ka tawong kusgan nga dili makaluwas? Apan ikaw, O Ginoo, ania sa among taliwala, ug kami gitawag sa imong ngalan; ayaw kami biyai.”

Numeros 23:20

Tan-awa, ako nakadawat ug sugo sa pagpanalangin; ug siya nagpanalangin ug ako dili makabakwi niini.

Mateo 28:19

Busa sa inyong pagpanglakaw himoang mga tinun-an ang tanang kanasoran, nga magbautismo kanila sa ngalan sa Amahan ug sa Anak ug sa Espiritu Santo,

Mga Taga-Efeso 1:3

Dayegon nato ang Dios ug Amahan sa atong Ginoong Jesu-Cristo, nga pinaagi kang Cristo nagpanalangin kanato sa tanang mga espirituhanong panalangin diha sa mga langitnong dapit.

Deuteronomio 28:10

Ug ang tanang mga katawhan sa kalibotan makakita nga kamo gitawag pinaagi sa ngalan sa Ginoo, ug sila mangahadlok kaninyo.