Numeros 6:25

Ang Biblia 2011

Ang Ginoo magdan-ag sa iyang nawong ibabaw kaninyo, ug magmaluluy-on kaninyo;

Cross References

Genesis 43:29

Ug sa dihang giyahat niya ang iyang mga mata nakita niya si Benjamin nga iyang igsoon nga anak sa iyang inahan ug miingon, “Mao ba kini ang inyong igsoon nga kamanghoran nga inyong gisugilon kanako? Ang Dios maluoy kanimo, akong anak.”

Salmo 119:135

Padan-aga ang imong nawong nganhi sa imong alagad ug tudloi ako sa imong mga lagda.

Salmo 21:6

Gihimo nimo siya nga labing bulahan hangtod sa kahangtoran; gihimo nimo siyang malipayon sa kalipay sa imong presensiya.

Salmo 31:16

Pasidlaka ang imong nawong diha sa imong sulugoon; luwasa ako sa imong gugmang walay paglubad!

Salmo 4:7

Nagbutang ikaw ug kalipay sa akong kasingkasing labaw pa kay sa ilang mabatonan sa panahon nga daghan ang ilang trigo ug ang ilang bino.

Salmo 67:1

Ang Dios magmaluluy-on unta kanato ug magpanalangin kanato ug magpasidlak sa iyang nawong ibabaw kanato, Selah

Salmo 80:19

Ipahiuli kami, O Ginoo nga Dios sa mga panon! Padan-aga ang imong nawong aron maluwas kami!

Salmo 80:7

Ipahiuli kami, O Dios sa mga panon; padan-aga ang imong nawong aron maluwas kami.

Salmo 86:16

Lingia ako, ug kaluy-i ako; ihatag ang imong kalig-on ngadto sa imong alagad; luwasa ang anak nga lalaki sa imong sulugoon nga babaye.

Exodo 33:19

Ug siya miingon, “Akong paagion ang tanan nakong kaayo diha sa imong atubangan ug ipadayag nako diha sa imong atubangan ang akong ngalan, ‘Yahweh,’ ug ako magmapuangoron niadtong buot nakong hatagan ug puangod ug magpakita ako ug kaluoy niadtong buot nakong kaluy-an.”

Daniel 9:17

Busa karon, O Dios namo, pamati sa pag-ampo sa imong alagad ug sa iyang mga pangaliyupo, ug tungod ug alang kanimo, O Ginoo, padan-aga ang imong nawong nganha sa imong balaang dapit nga biniyaan.

Malaquias 1:9

Ug karon pagpakiluoy sa Dios aron siya magmaluluy-on kanato. Pinaagi nianang gasa gikan sa inyong kamot, magpakita ba siya ug kaluoy kang bisan kinsa kaninyo? nag-ingon ang Ginoo sa mga panon.

Juan 1:17

Kay ang Balaod gihatag pinaagi kang Moises, apan ang grasya ug ang kamatuoran miabot pinaagi kang Jesu-Cristo.

Roma 1:7

Nganha kaninyong tanan nga anaa sa Roma nga gihigugma sa Dios, gitawag aron mabalaan. Ang grasya maanaa kaninyo ug ang kalinaw nga gikan sa Dios nga atong Amahan ug sa Ginoong Jesu-Cristo.