Numeros 6:23

Ang Biblia 2011

“Sultihi si Aaron ug ang iyang mga anak nga lalaki: Sa ingon niini nga paagi kamo magpanalangin sa mga anak sa Israel, ingna ninyo sila,

Cross References

Genesis 24:60

Ug gipanalanginan nila si Rebecca, ug miingon sila kaniya, “Among igsoon, mahimo unta ikaw nga inahan sa liboan ka libo ug maangkon unta sa imong kaliwatan ang ganghaan niadtong nagdumot kanila.”

Genesis 47:10

Ug gipanalanginan ni Jacob ang Paraon ug mibiya siya sa atubangan niya.

Genesis 47:7

Unya gipasulod ni Jose ang iyang amahan ug iyang gipaatubang sa Paraon ug gipanalanginan ni Jacob ang Paraon.

Genesis 48:20

Busa gipanalanginan niya sila niadtong adlawa, nga nag-ingon, “Pinaagi kanimo magpanalangin si Israel nga mag-ingon, ‘Ang Dios maghimo kanimo nga sama kang Efraim ug sama kang Manases.’ ” Busa si Efraim iyang gibutang sa atubangan ni Manases.

1 Mga Hari 8:55

Ug siya mitindog, ug gipanalanginan ang tibuok katilingban sa Israel sa usa ka kusog nga tingog nga nag-ingon,

1 Cronicas 23:13

Ang mga anak nga lalaki ni Amram: si Aaron ug si Moises. Si Aaron gilain, aron iyang ihalad ang labing balaan nga mga butang, aron siya ug ang iyang mga anak nga lalaki hangtod sa kahangtoran magsunog sa insenso sa atubangan sa Ginoo ug mag-alagad kaniya, ug magpahayag sa mga panalangin diha sa iyang ngalan hangtod sa kahangtoran.

2 Cronicas 30:27

Unya ang mga pari ug ang mga Levihanon nanindog ug gipanalanginan ang katawhan ug ang ilang mga tingog nadungog ug ang ilang pag-ampo midangat sa iyang balaang puluy-anan sa langit.

Exodo 39:43

Ug nakita ni Moises ang tanang buhat, ug tan-awa, gibuhat nila kini. Sumala sa gisugo sa Ginoo, gibuhat nila kini ug gipanalanginan sila ni Moises.

Numeros 6:22

Ug ang Ginoo miingon kang Moises,

Roma 1:7

Nganha kaninyong tanan nga anaa sa Roma nga gihigugma sa Dios, gitawag aron mabalaan. Ang grasya maanaa kaninyo ug ang kalinaw nga gikan sa Dios nga atong Amahan ug sa Ginoong Jesu-Cristo.

1 Mga Taga-Corinto 1:3

Maanaa kaninyo ang grasya ug ang kalinaw gikan sa Dios nga atong Amahan ug gikan sa Ginoong Jesu-Cristo.

2 Mga Taga-Corinto 13:14

Ang grasya sa Ginoong Jesu-Cristo ug ang gugma sa Dios ug ang pakig-ambit sa Espiritu Santo mag-uban kaninyong tanan.

Deuteronomio 10:8

Niadtong panahona gilain sa Ginoo ang banay ni Levi aron sa pagdala sa sudlanan sa kasabotan sa Ginoo, aron sa pagtindog sa atubangan sa Ginoo sa pag-alagad kaniya ug sa pagpanalangin pinaagi sa iyang ngalan hangtod niining adlawa.

Deuteronomio 21:5

Ug ang mga pari nga mga kaliwat ni Levi manuol kay ang Ginoo nga inyong Dios nagpili kanila aron sa pag-alagad kaniya ug sa pagpanalangin diha sa ngalan sa Ginoo, ug pinaagi sa ilang pulong husayon ang tanang panaglalis ug ang tanang pagpamun-og.

Deuteronomio 33:1

Ug mao kini ang panalangin nga gipanalangin ni Moises nga tawo sa Dios ngadto sa katawhan sa Israel sa wala pa ang iyang kamatayon.

Mga Hebreo 7:1

Kay kini si Melquisedek nga hari sa Salem, pari sa labing halangdon nga Dios, misugat kang Abraham nga mipauli gikan sa pagpamatay sa mga hari ug mipanalangin kaniya,

Mga Hebreo 7:7

Dili malalis nga ang ubos ug kahimtang panalanginan sa labaw ug kahimtang.

Josue 8:33

Ug ang tibuok nga Israel, langyaw ug ingon sa mga lumad, uban sa ilang mga kadagkoan, sa ilang mga pangulo ug sa ilang mga maghuhukom, nanindog sa matag kilid sa sudlanan, sa atubangan sa mga pari nga mga Levihanon nga nagyayong sa sudlanan sa kasabotan sa Ginoo. Ang katunga nila sa atbang sa bukid sa Gerisim ug ang katunga sa atbang sa bukid sa Ebal sumala sa gisugo kaniadto ni Moises nga alagad sa Ginoo, nga kinahanglan ilang panalanginan ang katawhan sa Israel.

1 Pedro 1:2

nga gipili sumala sa nahibaloan nang daan sa Dios nga Amahan ug gibalaan sa Espiritu ngadto sa pagkamasinugtanon kang Jesu-Cristo ug pagbisibis sa iyang dugo: Ang grasya ug kalinaw modagaya unta diha kaninyo.

2 Juan 1:3

Ang grasya, kaluoy, ug kalinaw gikan sa Dios nga Amahan ug gikan kang Jesu-Cristo nga Anak sa Amahan, mag-uban kanato diha sa kamatuoran ug sa gugma.