Numeros 6:20

Ang Biblia 2011

Ug ang pari magbayaw niini ingon nga halad nga binayaw sa atubangan sa Ginoo. Kini balaan nga bahin alang sa pari, uban sa dughan nga gibayaw ug sa paa nga gihalad. Ug sa human niini, mahimo nang moinom ug bino ang Nazareo.

Cross References

Ecclesiastes 9:7

Lakaw, kan-a ang imong pan uban ang kalipay, ug imna ang imong bino uban ang malipayong kasingkasing, kay gidawat na sa Dios ang imong gibuhat.

Isaias 25:6

Niining bukira ang Ginoo sa mga panon maghimo alang sa tanang mga katawhan ug usa ka kasaulogan sa tambok nga mga butang, usa ka kasaulogan sa mga maayong bino, sa mga butang nga tambok nga puno sa uyok, sa maayong bino nga pinalugdang nga maayong pagkasala.

Isaias 35:10

Ug ang mga linukat sa Ginoo mobalik, ug moadto sa Zion uban ang pag-awit; ug ang kalipay nga walay kataposan anha sa ibabaw sa ilang mga ulo; sila makabaton sa kasadya ug kalipay ug ang kasubo ug panghupaw mangahanaw.

Levitico 10:15

Dad-on nila ang paa nga gihalad ug ang dughan nga gibayaw uban sa mga tambok nga halad pinaagi sa kalayo aron ibayaw ingon nga halad nga binayaw sa atubangan sa Ginoo ug kini maimo ug sa imong mga anak nga lalaki ingon nga bahin hangtod sa kahangtoran sumala sa sugo sa Ginoo.”

Levitico 23:11

Bayawon niya ang binangan sa atubangan sa Ginoo, aron kini dawaton alang kaninyo. Sa pagkaugma, human sa adlaw nga igpapahulay ang pari magbayaw niini.

Levitico 7:30

Dad-on niya sa iyang kaugalingong mga kamot ang iyang halad pinaagi sa kalayo alang sa Ginoo; dad-on niya ang tambok uban sa dughan aron ang dughan ibayaw ingon nga halad nga binayaw sa atubangan sa Ginoo.

Levitico 7:31

Ang tambok sunogon sa pari diha sa halaran apan ang dughan maiya ni Aaron ug sa iyang mga anak nga lalaki.

Levitico 7:32

Ang tuong paa ihatag ninyo sa pari ingon nga halad gikan sa inyong inihaw nga halad sa pakigdait.

Levitico 7:34

Kay ang dughan nga gibayaw ug ang paa nga gihalad akong gikuha gikan sa katawhan sa Israel gikan sa mga inihaw sa ilang halad sa pakigdait ug gihatag kini kang Aaron nga pari ug sa iyang mga anak nga lalaki ingon nga ilang bahin hangtod sa kahangtoran gikan sa mga anak sa Israel.

Levitico 9:21

Apan ang mga dughan ug ang tuo nga paa gibayaw ni Aaron ingon nga halad nga binayaw sa atubangan sa Ginoo sumala sa gisugo ni Moises.

Zacarias 10:7

Unya ang Efraim mahimong sama sa kusgan nga manggugubat, ug ang ilang kasingkasing magmaya nga daw tungod sa bino. Ang ilang mga anak makakita niini ug mangalipay, ang ilang kasingkasing magpasidungog diha sa Ginoo.

Zacarias 9:15

Ang Ginoo sa mga panon manalipod kanila ug lamyon nila ug tamakan ang mga tiglambuyog; ug imnom nila ang ilang dugo sama sa bino; ug sila mangapuno ingon sa mga panaksan, mahumod sama sa mga ngilit sa halaran.

Zacarias 9:17

Kay pagkamaayo ug pagkaanindot gayod niini! Ang trigo magpalambo sa mga batan-ong lalaki, ug ang bag-ong bino sa mga batan-ong babaye.

Numeros 18:18

Ug ang unod niini maimo, ingon man ang dughan nga binayaw, ug ingon man ang tuo nga paa maimo.

Numeros 5:25

Ug kuhaon sa pari gikan sa kamot sa babaye ang halad nga pagkaon sa pangabubho, ug ibayaw niya ang halad nga pagkaon sa atubangan sa Ginoo ug dad-on kini ngadto sa halaran.

Numeros 6:21

“Kini mao ang balaod alang sa Nazareo nga maghimo ug panumpa. Ang iyang halad ngadto sa Ginoo kinahanglan nga sumala sa iyang panumpa ingon nga Nazareo, wala pay labot sa iyang maarangan. Sumala sa panumpa nga iyang gihimo, magbuhat siya sumala sa balaod sa iyang pagkaginahin ingon nga Nazareo.”

Mateo 26:29

Sultihan ko kamo, dili na ako moinom pag-usab niini gikan sa bunga sa paras hangtod niadtong adlaw nga moinom ako niini nga bag-o uban kaninyo sa gingharian sa akong Amahan.”

Marcos 14:25

Sa pagkatinuod, sultihan ko kamo nga dili na ako moinom pag-usab niining gikan sa bunga sa paras hangtod niadtong adlawa nga imnon nako kini nga bag-o didto sa gingharian sa Dios.”

Juan 19:30

Sa nakainom na si Jesus sa suka, siya miingon, “Natapos na.” Ug giduko niya ang iyang ulo ug gitugyan ang iyang espiritu.