Numeros 6:2

Ang Biblia 2011

“Sultihi ang katawhan sa Israel: Sa diha nga ang usa ka lalaki o usa ka babaye maghimo ug pinasahi nga panumpa, ang panumpa sa Nazareo, aron sa paggahin sa iyang kaugalingon alang sa Ginoo,

Cross References

Exodo 33:16

Kay unsaon man sa pag-ila nga ako nakakaplag ug kahimuot diha sa imong panan-aw, ako ug ang imong katawhan? Dili ba diha sa imong pag-uban kanamo nga kami mahimong lahi, ako ug ang imong katawhan, gikan sa tanang mga katawhan nga ania ibabaw sa yuta?”

Mga Panultihon 18:1

Siya nga dili makighugoyhugoy nangita sa iyang kaugalingong tinguha sa nagsupak sa tanang maayo nga pagpanghukom.

Jeremias 35:6

Apan sila mitubag, “Dili kami manginom ug bino, kay ang among amahan nga si Jonadab nga anak ni Rekab nagsugo kanamo, ‘Ayaw kamo pag-inom ug bino, kamo o ang inyong mga anak nga lalaki, hangtod sa kahangtoran;

Levitico 20:26

Magbalaan kamo alang kanako kay ako, ang Ginoo, balaan, ug naglain kaninyo gikan sa mga katawhan aron mahimong akoa.

Levitico 27:2

“Sultihi ang katawhan sa Israel: Sa diha nga ang usa ka tawo maghimo ug pinasahi nga panaad nga tawo ngadto sa Ginoo, sumala sa imong paghatag ug bili,

Numeros 30:3

O sa diha nga usa ka babaye magsaad ug usa ka panaad ngadto sa Ginoo ug maghigot sa iyang kaugalingon sa usa ka katungdanan, samtang anaa siya sa balay sa iyang amahan sa iyang pagkabatan-on,

Numeros 6:1

Ang Ginoo miingon kang Moises,

Lucas 1:15

kay siya mahimong bantogan sa atubangan sa Ginoo, dili siya moinom ug bino o isog nga ilimnon, ug siya mapuno sa Espiritu Santo, bisan sa diha pa siya sa tiyan sa iyang inahan.

Mga Buhat 18:18

Human niini, si Pablo mipabilin didto sulod sa daghan pang mga adlaw, ug unya nanamilit siya sa mga kaigsoonan ug milawig padulong sa Siria, ug uban kaniya si Priscila ug si Aquila. Didto sa Cencrea giputlan niya ang iyang buhok tungod sa usa ka panaad nga iyang gihimo.

Roma 1:1

Si Pablo, ulipon ni Jesu-Cristo, gitawag sa pagkaapostol ug gigahin alang sa Maayong Balita sa Dios,

2 Mga Taga-Corinto 6:16

Unsa may gikauyonan sa templo sa Dios ug sa mga diosdios? Kay kita mao ang templo sa Dios nga buhi, sumala sa giingon sa Dios, “Ako mopuyo sa sulod nila ug makig-uban kanila, ug ako mahimong ilang Dios, ug sila mahimong akong katawhan.

Mga Taga-Galacia 1:15

Apan sa diha nga ang Dios, nga naggahin kanako sa diha pa ako sa tiyan sa akong inahan ug nagtawag kanako pinaagi sa iyang grasya, nahimuot

Mga Hebreo 7:27

Lahi sa uban nga mga labawng pangulong pari, siya wala magkinahanglan sa adlaw-adlaw nga paghimo ug mga paghalad, una alang sa iyang kaugalingong mga sala ug unya alang sa mga sala sa katawhan. Kini gihimo niya sa makausa lamang alang sa tanang panahon sa paghalad niya sa iyang kaugalingon.

Mga Maghuhukom 13:14

Siya dili makakaon sa bisan unsang butang nga gikan sa paras o paimnon ug bino o isog nga ilimnon o pakan-on sa bisan unsang butang nga hugaw. Ang tanan nga akong gisugo kaniya ipatuman kaniya.”

Mga Maghuhukom 13:4

Busa karon, pagmatngon ug ayaw na pag-inom ug bino o isog nga ilimnon, ug ayaw pagkaon sa mga hugaw nga pagkaon.

Mga Maghuhukom 13:5

Kay tan-awa, magsamkon ikaw ug manganak ug usa anak nga lalaki. Ug walay labaha nga modapat sa iyang ulo kay ang bata mahimong usa ka Nazareo ngadto sa Dios gikan sa pagkatawo, ug siya magsugod sa pagluwas sa Israel gikan sa kamot sa mga Filistihanon.”

Mga Maghuhukom 16:17

Ug si Samson misugilon kaniya sa tibuok niyang kasingkasing ug miingon kaniya, “Wala pa gayoy labaha nga nakaagi sa akong ulo kay ako usa ka Nazareo ngadto sa Dios sukad sa taguangkan sa akong inahan. Kon ako matupihan, ang akong kusog mawala gikan kanako ug ako maluya ug mahimong sama sa ubang tawo.”

1 Samuel 1:28

Busa gitugyan usab nako siya ngadto sa Ginoo; sa tibuok niyang kinabuhi, siya gitugyan ngadto sa Ginoo.” Ug gisimba nila didto ang Ginoo.