Numeros 6:18

Ang Biblia 2011

Ug ang Nazareo magpakiskis sa iyang binalaan nga ulo didto sa pultahan sa tolda nga tagboanan ug kuhaon niya ang mga buhok sa iyang binalaan nga ulo ug ibutang kini didto sa kalayo ubos sa inihaw nga halad sa pakigdait.

Cross References

Numeros 6:17

Ug ihalad niya ang laking karnero ingon nga inihaw nga halad sa pakigdait ngadto sa Ginoo, uban ang usa ka bukag nga pan nga walay patubo. Ang pari maghalad usab sa halad nga pagkaon ug sa mga halad nga ilimnon niini.

Numeros 6:5

“Sa tanan nga adlaw sa iyang panumpa sa paggahin walay labaha nga moagi sa iyang ulo; hangtod nga matuman ang mga adlaw sa paggahin sa iyang kaugalingon alang sa Ginoo, magbalaan siya. Pasagdan niya nga motubo ang mga pungpong sa buhok sa iyang ulo.

Numeros 6:9

“Ug kon adunay tawo nga mamatay sa kalit duol kaniya ug nahugawan ang iyang binalaan nga ulo, kiskisan niya ang iyang ulo sa adlaw nga maputli na siya, sa ikapito nga adlaw kiskisan niya kini.

Lucas 17:10

Mao usab kamo, sa dihang mabuhat ninyo ang tanang gisugo kaninyo, ingna ninyo, ‘Kami mga sulugoon nga walay pulos kay igo man lamang kami nga nagtuman sa tanan nga gisugo kanamo.’ ”

Mga Buhat 18:18

Human niini, si Pablo mipabilin didto sulod sa daghan pang mga adlaw, ug unya nanamilit siya sa mga kaigsoonan ug milawig padulong sa Siria, ug uban kaniya si Priscila ug si Aquila. Didto sa Cencrea giputlan niya ang iyang buhok tungod sa usa ka panaad nga iyang gihimo.

Mga Buhat 21:23

Busa, buhata ang among isulti kanimo. Kami adunay upat ka tawo nga may panaad.

Mga Buhat 21:24

Dad-a kining mga tawhana ug uban kanila tumana ang buluhaton sa pagpaputli sa kaugalingon, ug bayri ang ilang mga gasto aron kiskisan nila ang ilang mga ulo. Sa ingon niini ang tanan mahibalo nga dili diay tinuod ang gisugilon kanila mahitungod kanimo nga ikaw gayod nagkinabuhi nga matinumanon sa balaod.

Mga Buhat 21:26

Busa gidala ni Pablo ang mga tawo ug sa pagkasunod adlaw gituman niya uban kanila ang buluhaton sa pagpaputli sa kaugalingon, ug misulod siya sa Templo aron sa pagpahibalo kon kanus-a matapos ang panahon sa ilang pagpaputli ug niana ihatag ang halad alang sa matag usa kanila.

Mga Taga-Efeso 1:6

aron dayegon ang iyang mahimayaong grasya nga sa walay bayad iyang gihatag kanato pinaagi sa Pinalangga.