Numeros 6:12

Ang Biblia 2011

Ug iyang balaanon alang sa Ginoo ang mga adlaw sa iyang pagkaginahin ug magdala siya ug usa ka nating karnero nga laki nga usa ka tuig ang kagulangon ingon nga halad tungod sa paglapas. Apan ang unang mga adlaw dili na isipon kay nahugawan man ang iyang pagkaginahin.

Cross References

Exodo 12:5

Ang inyong nating karnero kinahanglan nga walay tatsa, laki ug usa ka tuig ang kagulangon. Pilion ninyo kini gikan sa mga karnero o sa mga kanding

Ezequiel 18:24

Apan sa diha nga ang matarong motalikod gikan sa iyang pagkamatarong, ug magpakasala ug magbuhat ug sama nga mga dulumtanan nga gibuhat sa tawo nga daotan, mabuhi ba siya? Walay usa sa iyang mga matarong nga buhat nga iyang nahimo nga hinumdoman. Tungod sa kalapasan nga iyang nahimo ug sa kasal-anan nga iyang nabuhat, siya mamatay.

Levitico 14:24

Kuhaon sa pari ang nating karnero nga halad tungod sa paglapas ug ang usa ka log nga lana ug ang pari magbayaw niini ingon nga halad nga binayaw sa atubangan sa Ginoo.

Levitico 5:6

ug dad-on niya ang iyang halad tungod sa paglapas ngadto sa Ginoo alang sa sala nga iyang nabuhat, usa ka baye gikan sa mga panon, nating karnero o kanding alang sa halad tungod sa sala, ug ang pari maghimo sa pagtabon sa sala alang kaniya, alang sa iyang sala.

Levitico 5:7

“Apan kon siya dili makaabot sa pagdala ug usa ka nating karnero, magdala siya ug duha ka tukmo o duha ka kuyabog sa salampati ingon nga halad tungod sa paglapas alang sa Ginoo tungod sa sala nga iyang nahimo, ang usa ingon nga halad tungod sa sala ug ang usa ingon nga halad nga sunogon.

Numeros 6:11

Unya ang pari maghalad sa usa ingon nga halad tungod sa sala ug ang usa ingon nga halad nga sunogon ug himoon sa pari ang pagtabon sa sala alang kaniya, kay nakasala man siya tungod sa minatay ug balaanon ang iyang ulo nianang adlawa.

Numeros 6:13

“Kini mao ang balaod alang sa Nazareo sa diha nga mahingpit ang mga adlaw sa iyang pagkaginahin: dad-on siya ngadto sa pultahan sa tolda nga tagboanan.

Mateo 24:13

Apan ang molahutay hangtod sa kataposan maluwas.

Mateo 3:15

Apan si Jesus mitubag kaniya, “Itugot kini karon kay angay kanato ang pagtuman sa tibuok nga pagkamatarong.” Ug siya mitugot kaniya.

Santiago 2:10

Kay si bisan kinsa nga nagtuman sa tibuok balaod apan naglapas sa usa, nahimo siyang sad-an sa tanan.

2 Juan 1:8

Bantayi ninyo ang inyong kaugalingon nga dili kamo mawad-an sa mga butang nga inyong gihagoan, kondili nga makadawat kamo sa hingpit nga ganti.