Numeros 5:9

Ang Biblia 2011

Ug ang tanan nga halad, ang tanang mga butang nga balaan sa katawhan sa Israel nga gidala ngadto sa pari, maiya sa pari.

Cross References

Exodo 29:28

Maiya kini ni Aaron ug sa iyang mga anak nga lalaki ingon nga tulumanon nga walay kataposan gikan sa katawhan sa Israel kay kini mao ang bahin sa mga pari nga ihalad sa katawhan sa Israel gikan sa ilang mga halad sa pakigdait, nga ilang halad ngadto sa Ginoo.

Levitico 10:13

Kaona ninyo kini diha sa dapit nga balaan kay kini mao ang imong bahin ug ang bahin sa imong mga anak nga lalaki gikan sa mga halad pinaagi sa kalayo alang sa Ginoo, kay kini gisugo kanako.

Levitico 10:14

Apan ang dughan nga gibayaw ug ang paa nga gihalad kaona ninyo diha sa usa ka dapit nga hinlo, ikaw ug ang imong mga anak nga lalaki ug ang imong mga anak nga babaye uban kanimo, kay kini gihatag ingon nga imong bahin ug sa imong mga anak nga lalaki, gikan sa mga inihaw nga halad sa pakigdait sa katawhan sa Israel.

Levitico 10:15

Dad-on nila ang paa nga gihalad ug ang dughan nga gibayaw uban sa mga tambok nga halad pinaagi sa kalayo aron ibayaw ingon nga halad nga binayaw sa atubangan sa Ginoo ug kini maimo ug sa imong mga anak nga lalaki ingon nga bahin hangtod sa kahangtoran sumala sa sugo sa Ginoo.”

Levitico 6:26

Ang pari nga maghalad niini alang sa sala mokaon niini. Kaonon kini diha sa dapit nga balaan, sa hawanan sa tolda nga tagboanan.

Levitico 7:32

Ang tuong paa ihatag ninyo sa pari ingon nga halad gikan sa inyong inihaw nga halad sa pakigdait.

Levitico 7:34

Kay ang dughan nga gibayaw ug ang paa nga gihalad akong gikuha gikan sa katawhan sa Israel gikan sa mga inihaw sa ilang halad sa pakigdait ug gihatag kini kang Aaron nga pari ug sa iyang mga anak nga lalaki ingon nga ilang bahin hangtod sa kahangtoran gikan sa mga anak sa Israel.

Numeros 18:19

Ang tanang balaang halad nga gihalad sa katawhan sa Israel ngadto sa Ginoo, akong gihatag kanimo ug sa imong mga anak nga lalaki ug sa imong mga anak nga babaye uban kanimo, ingon nga bahin hangtod sa kahangtoran. Kini usa ka kasabotan sa asin hangtod sa kahangtoran sa atubangan sa Ginoo alang kanimo ug alang sa imong kaliwatan uban kanimo.”

Numeros 31:41

Ug gihatag ni Moises ang buhis, ingon nga halad alang sa Ginoo, ngadto kang Eleasar nga pari sumala sa gisugo sa Ginoo kang Moises.

Numeros 5:8

Apan kon ang tawo walay kadugo nga kahatagan sa bayad tungod sa sala, ang ibayad tungod sa sala mahiadto sa Ginoo alang sa pari dugang sa laking karnero alang sa pagtabon sa sala, nga pinaagi niini himoon ang pagtabon sa sala alang kaniya.

Deuteronomio 12:26

Apan ang mga butang nga balaan nga anaa kaninyo ug ang inyong mga halad nga gisaad dad-a ninyo ug adto kamo sa dapit nga pilion sa Ginoo