Numeros 5:3

Ang Biblia 2011

Ipagawas sila sa kampo, ang lalaki ug ang babaye, ibutang sila sa gawas sa kampo, aron dili mahugawan ang ilang kampo diha sa taliwala diin ako nagpuyo.”

Cross References

1 Mga Hari 7:3

Giatopan kini ug cedro ibabaw sa mga sagbayan nga 45 ka buok nga dinha sa ibabaw sa mga haligi, napulo ug lima sa matag laray.

Salmo 68:18

Ikaw miadto sa itaas, mipagula sa mga binihag, nagdawat ka ug mga gasa gikan sa mga tawo, bisan gikan sa mga masinupakon, aron ang Ginoo nga Dios magpuyo uban kanila.

Exodo 25:8

Pabuhata sila ug usa ka balaang puluy-anan alang kanako aron makapuyo ako sa ilang taliwala.

Exodo 29:45

Ug mopuyo ako uban sa katawhan sa Israel ug mahimo ako nga ilang Dios.

Isaias 12:6

Singgit ug pag-awit sa kalipay, O ikaw nga nagpuyo sa Zion, kay dako ang Balaan sa Israel diha sa imong taliwala.”

Levitico 14:8

Ug kadtong hinloan manglaba sa iyang mga bisti ug kiskison niya ang tanan niyang buhok ug maligo siya sa tubig ug mahinlo siya. Ug human niana mosulod siya sa kampo apan mopuyo siya sa gawas sa iyang tolda sulod sa pito ka adlaw.

Levitico 15:31

“Sa ingon niana lainon nimo ang katawhan sa Israel gikan sa ilang pagkahugaw aron sila dili mangamatay sa ilang pagkahugaw sa diha nga ilang hugawan ang akong puluy-anan nga anaa sa taliwala nila.”

Numeros 16:3

Naghiusa sila sa pagtigom sa pagbatok kang Moises ug sa pagbatok kang Aaron ug miingon kanila, “Naghingapin na kamo! Ang tibuok nga katilingban balaan, ang matag usa kanila, ug ang Ginoo anaa sa taliwala nila busa ngano nga nagpataas kamo sa inyong kaugalingon ibabaw sa katilingban sa Ginoo?”

Numeros 19:22

Ug ang bisan unsa nga mahikapan sa tawong hugaw mahugaw usab, ug si bisan kinsa nga makahikap niini, mahugaw hangtod sa pagkakilomkilom.”

Numeros 35:34

Ayaw ninyo hugawi ang yuta nga inyong gipuy-an, nga sa taliwala niini ako nagpuyo, kay ako ang Ginoo nagpuyo diha sa kinataliwad-an sa katawhan sa Israel.”

Numeros 5:4

Ug kini gibuhat sa katawhan sa Israel ug gipagawas sila gikan sa kampo sumala sa giingon sa Ginoo kang Moises, busa gibuhat kini sa katawhan sa Israel.

Deuteronomio 23:14

Kay ang Ginoo nga inyong Dios mosuroy sa taliwala sa inyong kampo aron sa pagluwas kaninyo ug aron sa pagtugyan sa inyong mga kaaway nganha kaninyo busa kinahanglan nga ang inyong kampo balaan aron dili siya makakita ug hugaw nga butang diha kaninyo ug motalikod gikan kaninyo.

Deuteronomio 23:15

“Ayaw itugyan ngadto sa iyang agalon ang ulipon nga mikagiw nganha kaninyo gikan sa iyang agalon.

2 Mga Taga-Tesalonica 3:6

Karon, mga igsoon, sa ngalan sa atong Ginoong Jesu-Cristo, kami magsugo kaninyo nga magpalayo kamo gikan sa tanang igsoon nga nagkinabuhi nga tapolan ug dili sumala sa pagtulun-an nga inyong nadawat gikan kanamo.

Tito 3:10

Human nimo katambagi sa makausa o makaduha ang tawo nga tigpasiugda sa pagkabahinbahin, likayi siya,

Gipadayag 21:27

Apan dinhi niini walay bisan unsa nga hugaw nga pasudlon, ang naghimo ug mga dulumtanan o bakak, kondili sila lamang nga nasulat diha sa basahon sa kinabuhi nga iya sa Nating Karnero.

Gipadayag 21:3

Ug nadungog nako gikan sa trono ang usa ka dakong tingog nga nag-ingon, “Tan-awa, ang puluy-anan sa Dios anaa uban sa mga tawo. Siya magpuyo uban kanila ug sila mahimo nga iyang mga katawhan, ug ang Dios gayod mao ang magkig-uban kanila ug mahimo nga ilang Dios.