Numeros 5:18

Ang Biblia 2011

Unya ang pari magpahimutang sa babaye sa atubangan sa Ginoo ug padunghayon ang buhok sa babaye, ug ibutang sa iyang kamot ang halad nga pagkaon alang sa handomanan nga mao ang halad nga pagkaon sa pangabubho, ug sa kamot sa pari anaa ang pait nga tubig nga magdala sa tunglo.

Cross References

Mga Panultihon 5:4

apan sa kataposan siya pait sama sa panyawan, hait sama sa usa ka espada nga duhay sulab.

Ecclesiastes 7:26

Ug nakaplagan nako nga labaw pang pait kay sa kamatayon ang babaye nga ang kasingkasing mga lit-ag ug mga pukot, ug nga ang mga kamot mga posas. Siya nga nakapahimuot sa Dios makagawas gikan kaniya apan ang makasasala mabihag niya.

Isaias 38:17

Sa pagkatinuod kana tungod sa akong kaayohan nga ako adunay dakong kapaitan; apan ikaw nagpugong sa akong kalag gikan sa gahong sa pagkalaglag, kay gisalibay nimo sa imong likod ang tanan nakong kasal-anan.

Jeremias 2:19

Ang imong pagkadaotan maoy magpanton kanimo, ug ang imong pagbalik sa pagpakasala magbadlong kanimo. Hibaloi ug tan-awa nga daotan ug pait kini alang kanimo ang pagbiya nimo sa Ginoo nga imong Dios; ang pagkahadlok kanako wala diha kanimo, nag-ingon ang Ginoong Dios sa mga panon.

Levitico 13:45

“Ang tawo nga adunay sanla kinahanglan nga magsul-ob ug gision nga bisti, padunghay ang buhok sa iyang ulo ug tabonan niya ang iyang ibabaw nga ngabil, ug magsinggit siya, ‘Hugaw, hugaw.’

Numeros 5:15

dad-on sa bana ang iyang asawa ngadto sa pari ug siya magdala sa iyang halad alang sa iyang asawa, harina nga sebada nga usa sa napulo ka bahin sa usa ka epha, dili niya kini butangan ug lana ug dili niya kini butangan ug insenso kay kini halad nga pagkaon sa pangabubho, halad nga pagkaon sa paghinumdom, sa pagpahinumdom sa sala.

Numeros 5:17

Ug ang pari magkuha ug tubig nga balaan sa usa ka tibod ug magkuha ug abog diha sa salog sa Tolda ug ibutang kini sa tubig.

Numeros 5:19

Ug ang asawa papanumpaon sa pari nga mag-ingon, ‘Kon walay laing lalaki nga nakighilawas kanimo ug kon wala ikaw mahisalaag ngadto sa kahugawan, samtang ilalom ikaw sa pagbuot sa imong bana, maluwas unta ikaw gikan niining pait nga tubig nga nagdala sa tunglo.

Numeros 5:22

ug kining tubiga nga nagdala ug tunglo mosulod sa imong kalawasan ug mopahupong sa imong lawas ug mopaun-on sa imong taguangkan.’ Ug ang babaye moingon, ‘Hinaot unta, hinaot unta.’

1 Mga Taga-Corinto 11:15

apan kon ang babaye adunay tag-as nga buhok, kini garbo niya? Kay ang iyang buhok gihatag kaniya aron itabon.

1 Mga Taga-Corinto 11:6

Kay kon ang babaye dili magtabon sa iyang ulo, magpaupaw na lang siya; apan kon makauulaw man alang sa babaye nga upaw o kiniskisan, papandongi ang iyang ulo.

Deuteronomio 29:18

Pagbantay unya kamo kay tingali ug sa taliwala ninyo adunay lalaki o babaye o panimalay o banay nga ang kasingkasing motalikod gikan sa Ginoo nga atong Dios aron sa pag-adto ug sa pag-alagad sa mga dios niadtong mga nasod. Tingali unya ug diha kaninyo adunay gamot nga makahilo, ug pait nga bunga,

Mga Hebreo 13:4

Himoa ninyo nga ang panagtiayon makabaton sa pagtahod sa tanan, ug himoa ninyo nga ang higdaanan sa panagtiayon dili mahugawan, kay ang Dios mosilot gayod sa mga makihilawason ug sa mga mananapaw.

1 Samuel 15:32

Unya si Samuel miingon, “Dad-a ninyo dinhi kanako si Agag nga hari sa mga Amalekanhon.” Ug si Agag miadto kaniya nga malipayon. Ug si Agag miingon, “Sa pagkatinuod ang kapait sa kamatayon miagi na.”