Numeros 4:49

Ang Biblia 2011

Sumala sa sugo sa Ginoo giihap sila pinaagi kang Moises, ang matag usa sumala sa iyang katungdanan ug sumala sa iyang dad-onon. Busa giihap sila niya sumala sa gisugo sa Ginoo kang Moises.

Cross References

Numeros 1:47

Apan ang mga Levihanon wala ipha uban kanila sumala sa banay sa ilang katigulangan.

Numeros 1:54

Busa gibuhat kini sa katawhan Israel sumala sa tanang mga butang nga gisugo sa Ginoo kang Moises.

Numeros 2:33

Apan ang mga Levihanon wala ipha uban sa katawhan sa Israel sumala sa sugo sa Ginoo kang Moises.

Numeros 3:51

Ug gihatag ni Moises ang lukat ngadto kang Aaron ug sa iyang mga anak sumala sa pulong sa Ginoo, sumala sa gisugo sa Ginoo kang Moises.

Numeros 4:15

Ug sa dihang mahuman na ni Aaron ug sa iyang mga anak ang pagtabon sa balaang dapit ug sa tanang mga kasangkapan sa balaang dapit, sa diha nga mobiya na ang mga nagkampo, human niini, ang mga lalaki nga kaliwat ni Kohat moadto aron sa pagpas-an niini apan kinahanglang dili sila mohikap sa balaang mga butang aron sila dili mamatay. Mao kini ang mga butang sa Tolda nga Tagboanan nga dad-onon sa mga kaliwat ni Kohat.

Numeros 4:21

Unya ang Ginoo miingon kang Moises,

Numeros 4:24

Kini mao ang katungdanan sa mga panimalay sa mga Gersonhanon, sa pag-alagad ug sa pagdala sa mga dad-onon.

Numeros 4:31

Ug kini mao ang ilang katungdanan nga dad-on sumala sa tanan nga buluhaton nila sa tolda nga tagboanan: ang mga tabla nga porma sa Tolda uban sa mga babag niini, ang mga haligi ug ang mga tungtonganan niini,

Numeros 4:32

ang mga haligi sa hawanan nga naglibot ug ang ilang mga tungtonganan niini, ug ang mga ugsok ug ang mga higot nga pisi niini uban ang tanang mga kahimanan niini, ug ang tanan nga buluhaton niini. Ug itudlo ninyo kanila pinaagi sa mga ngalan ang tanang butang nga ilang katungdanan nga dad-on.

Numeros 4:37

Kini sila mao ang gidaghanon diha sa mga panimalay sa mga Kohatihanon, ang tanan nga nag-alagad diha sa tolda nga tagboanan nga giihap ni Moises ug ni Aaron sumala sa sugo sa Ginoo pinaagi kang Moises.

Numeros 4:41

Kini mao ang gidaghanon diha sa mga panimalay sa mga kaliwat nga lalaki ni Gerson, ang tanan nga nag-alagad diha sa tolda nga tagboanan, sa mga giihap ni Moises ug ni Aaron sumala sa sugo sa Ginoo.

Numeros 4:45

Kini sila mao ang mga naihap sa mga panimalay sa mga kaliwat nga lalaki ni Merari, nga giihap ni Moises ug ni Aaron sumala sa sugo sa Ginoo pinaagi kang Moises.

Numeros 5:1

Ang Ginoo miingon kang Moises,