Numeros 4:3

Ang Biblia 2011

sukad sa nagpanuigon ug 30 ka tuig ug pataas hangtod sa nagpanuigon ug 50 ka tuig, ang tanan nga makahimo sa pag-alagad, sa pagbuhat sa mga buluhaton diha sa tolda nga tagboanan.

Cross References

Genesis 41:46

Si Jose nagpanuigon ug 30 ka tuig sa pag-alagad niya sa Paraon, ang hari sa Ehipto. Ug si Jose mibiya sa atubangan sa Paraon ug milibot sa tibuok nga yuta sa Ehipto.

2 Samuel 5:4

Si David 30 ka tuig ang panuigon sa diha nga siya misugod sa paghari, ug siya naghari sulod sa 40 ka tuig.

1 Cronicas 6:48

Ug ang ilang mga kaigsoonan nga mga Levihanon mao ang gipili alang sa tanang buluhaton sa tabernakulo sa balay sa Dios.

2 Cronicas 31:17

Ang pagpanglista sa mga pari gihimo sumala sa mga balay sa ilang mga katigulangan, ug sa mga Levihanon sukad sa 20 ka tuig ang panuigon ug pataas sumala sa ilang mga katungdanan pinaagi sa ilang mga hut-ong.

Esdras 3:8

Sa ikaduhang tuig sa ilang pag-abot sa balay sa Dios didto sa Jerusalem, sa ikaduhang bulan, si Zerubabel nga anak ni Sealtiel ug si Jesua nga anak ni Josadak nagsugod uban sa ilang mga kaigsoonan, mga pari ug mga Levihanon ug ang tanan nga mga miabot sa Jerusalem gikan sa pagkabinihag. Gitudlo nila ang mga Levihanon, sukad sa 20 ka tuig ang panuigon ug pataas aron sa pagdumala sa buluhaton sa balay sa Ginoo.

Numeros 1:3

sukad sa nagpanuigon ug 20 ug pataas, ang tanan nga makahimo pag-adto sa panggubatan. Ikaw ug si Aaron mag-ihap kanila sumala sa ilang mga panon.

Numeros 1:50

Apan itudlo ang mga Levihanon sa pagdumala sa tolda sa pagpamatuod ug sa pagdumala sa tanang mga galamiton niini, ug sa tanang mga butang nga may kalabotan niini. Sila ang magdala sa Tolda ug sa tanang mga galamiton niini ug sila mag-atiman niini, ug sila magkampo libot sa Tolda.

Numeros 16:9

Daw gamay ba lamang nga butang alang kaninyo nga ang Dios sa Israel naggahin kaninyo gikan sa katilingban sa Israel, sa pagdala kaninyo duol ngadto kaniya, sa pag-alagad sa Tolda sa Ginoo ug sa pagbarog sa atubangan sa katilingban aron sa pag-alagad kanila,

Numeros 4:2

“Ipha ang mga anak nga lalaki ni Kohat gikan sa mga kaliwat ni Levi, sumala sa ilang mga panimalay, sumala sa mga banay sa ilang katigulangan,

Numeros 4:23

sukad sa nagpanuigon ug 30 ka tuig hangtod sa nagpanuigon ug 50 ka tuig iphon nimo sila, ang tanan nga makahimo sa pagbuhat sa pag-alagad, sa paghimo sa buluhaton sulod sa tolda nga tagboanan.

Numeros 4:30

sukad sa nagpanuigon ug 30 ka tuig hangtod sa nagpanuigon ug 50 ka tuig, iphon nimo sila, ang tanan nga makahimo sa pag-alagad aron sa paghimo sa buluhaton sa tolda nga tagboanan.

Numeros 4:35

sukad sa nagpanuigon ug 30 ka tuig hangtod sa nagpanuigon ug 50 ka tuig, ang tanan nga makahimo sa pag-alagad aron sa paghimo sa mga buluhaton diha sa tolda nga tagboanan.

Numeros 4:4

Kini mao ang katungdanan sa mga kaliwat ni Kohat diha sa tolda nga tagboanan: ang mga butang nga labing balaan.

Numeros 4:47

sukad sa nagpanuigon ug 30 ka tuig hangtod sa nagpanuigon ug 50 ka tuig, ang matag usa nga makahimo sa pag-alagad aron sa pagbuhat ug sa pagpas-an sa mga dad-onon sa tolda nga tagboanan,

Lucas 3:23

Si Jesus, sa iyang pagsugod sa pagpangalagad, nagpanuigon ug mga 30 ka tuig, ingon nga anak (sumala sa gituohan) ni Jose, nga anak ni Heli,

1 Timoteo 1:18

Kining maong sugo akong gitugyan kanimo, Timoteo, anak, sumala sa mga propesiya kaniadto mahitungod kanimo nga ikaw makigbisog pinaagi sa maayong pagpakig-away,

1 Timoteo 3:1

Kasaligan kini nga pulong: Kon adunay nagtinguha sa katungdanan sa pagkapangulo sa iglesia, nagtinguha siya ug usa ka maayong buluhaton.

1 Timoteo 3:6

Kinahanglan nga siya dili bag-o pang nakabig, kay tingali unya ug magpagarbo siya ug mahulog ngadto sa paghukom sa yawa.