Numeros 4:24

Ang Biblia 2011

Kini mao ang katungdanan sa mga panimalay sa mga Gersonhanon, sa pag-alagad ug sa pagdala sa mga dad-onon.

Cross References

Numeros 10:17

Unya ang Tolda gitangtang ug ang mga kaliwat ni Gerson ug ang mga kaliwat ni Merari nga nagdala sa Tolda nanglakaw.

Numeros 3:25

Ug ang katungdanan sa mga anak nga lalaki ni Gerson diha sa tolda nga tagboanan mao ang Tolda, ang gitabon niini, ang tabil sa pultahan sa tolda nga tagboanan,

Numeros 3:26

ang tabil sa hawanan, ang tabil sa pultahan sa hawanan nga naglibot sa Tolda ug sa halaran, ang tanang pisi nga higot ug ang tanang buluhaton mahitungod niini.

Numeros 4:15

Ug sa dihang mahuman na ni Aaron ug sa iyang mga anak ang pagtabon sa balaang dapit ug sa tanang mga kasangkapan sa balaang dapit, sa diha nga mobiya na ang mga nagkampo, human niini, ang mga lalaki nga kaliwat ni Kohat moadto aron sa pagpas-an niini apan kinahanglang dili sila mohikap sa balaang mga butang aron sila dili mamatay. Mao kini ang mga butang sa Tolda nga Tagboanan nga dad-onon sa mga kaliwat ni Kohat.

Numeros 4:19

Apan kini buhaton ninyo aron sila mabuhi ug dili mamatay, sa diha nga sila moduol sa mga butang nga labing balaan. Si Aaron ug ang iyang mga anak mangadto ug magtudlo kanila sa matag usa sa iyang katungdanan ug sa iyang dad-onon.

Numeros 4:23

sukad sa nagpanuigon ug 30 ka tuig hangtod sa nagpanuigon ug 50 ka tuig iphon nimo sila, ang tanan nga makahimo sa pagbuhat sa pag-alagad, sa paghimo sa buluhaton sulod sa tolda nga tagboanan.

Numeros 4:25

Sila ang magdala sa mga tabil sa Tolda ug sa tolda nga tagboanan, sa tabon niini ug ang tabon nga panit sa mga kanding nga anaa sa ibabaw niini ug sa salimbong sa pultahan sa tolda nga tagboanan,

Numeros 4:27

Ang tanang buluhaton sa mga kaliwat nga lalaki sa mga Gersonhanon mag-agad sa mando ni Aaron ug sa iyang mga anak, sa tanan nilang dad-onon ug sa tanan nilang buluhaton. Ug itudlo ninyo kanila ang tanan nilang katungdanan sa mga dad-onon.

Numeros 4:47

sukad sa nagpanuigon ug 30 ka tuig hangtod sa nagpanuigon ug 50 ka tuig, ang matag usa nga makahimo sa pag-alagad aron sa pagbuhat ug sa pagpas-an sa mga dad-onon sa tolda nga tagboanan,

Numeros 4:49

Sumala sa sugo sa Ginoo giihap sila pinaagi kang Moises, ang matag usa sumala sa iyang katungdanan ug sumala sa iyang dad-onon. Busa giihap sila niya sumala sa gisugo sa Ginoo kang Moises.

Numeros 7:7

Duha ka karomata ug upat ka baka ang gihatag niya sa mga kaliwat ni Gerson sumala sa ilang pag-alagad.