Numeros 4:20

Ang Biblia 2011

Apan dili sila mosulod sa pagtan-aw sa mga balaang butang, bisan sa daklit lamang aron sila dili mamatay.”

Cross References

Exodo 19:21

Ug ang Ginoo miingon kang Moises, “Lugsong ug pasidan-i ang katawhan kay tingali unya ug molabang sila sa utlanan aron sa pagsud-ong sa Ginoo, ug daghan unya ang mangamatay kanila.

Levitico 10:2

Ug may migula nga kalayo gikan sa atubangan sa Ginoo ug milamoy kanila ug nangamatay sila sa atubangan sa Ginoo.

Levitico 16:13

Ug ibutang niya ang insenso sa ibabaw sa kalayo sa atubangan sa Ginoo aron ang aso sa insenso motabon sa tabon nga anaa sa ibabaw sa sudlanan sa kasabotan aron siya dili mamatay.

Numeros 1:51

Sa diha nga ang Tolda dad-on na, ang mga Levihanon maoy maghipos niini ug sa diha nga ang Tolda pabarogon, ang mga Levihanon maoy magtukod niini ug ang walay labot nga magpaduol niini patyon.

Numeros 18:3

Magtuman sila sa imong sugo ug sa katungdanan sa tibuok nga Tolda, apan dili sila moduol sa mga galamiton sa balaang dapit ug sa halaran, kay tingali unya ug sila ug ikaw mamatay.

Numeros 4:15

Ug sa dihang mahuman na ni Aaron ug sa iyang mga anak ang pagtabon sa balaang dapit ug sa tanang mga kasangkapan sa balaang dapit, sa diha nga mobiya na ang mga nagkampo, human niini, ang mga lalaki nga kaliwat ni Kohat moadto aron sa pagpas-an niini apan kinahanglang dili sila mohikap sa balaang mga butang aron sila dili mamatay. Mao kini ang mga butang sa Tolda nga Tagboanan nga dad-onon sa mga kaliwat ni Kohat.

Numeros 4:19

Apan kini buhaton ninyo aron sila mabuhi ug dili mamatay, sa diha nga sila moduol sa mga butang nga labing balaan. Si Aaron ug ang iyang mga anak mangadto ug magtudlo kanila sa matag usa sa iyang katungdanan ug sa iyang dad-onon.

Numeros 4:21

Unya ang Ginoo miingon kang Moises,

Gipadayag 11:19

Unya nabukas ang Templo sa Dios didto sa langit, ug sulod sa iyang Templo nakita ang sudlanan sa iyang kasabotan ug dihay pagpangilat, kusog nga mga kagahob, mga dalugdog, linog, ug kusog nga pag-ulan ug yelo.

1 Samuel 6:19

Iyang gipatay ang pipila ka tawo sa Bet-semes tungod kay sila mitan-aw sa sulod sa sudlanan sa kasabotan sa Ginoo. Iyang gipatay ang 70 ka tawo gikan kanila, ug ang mga tawo nagbangotan tungod kay ang Ginoo naghimo ug dakong pagpamatay diha sa katawhan.