Numeros 35:12

Ang Biblia 2011

Ug ang mga siyudad mahimo alang kaninyo nga dalangpanan gikan sa manimalos, aron ang nakapatay dili patyon hangtod nga siya makatindog atubangan sa katilingban aron hukman.

Cross References

2 Samuel 14:7

Karon ang tibuok panimalay mitindog batok sa imong sulugoon nga babaye ug sila miingon, ‘Ihatag siya nga nagpatay sa iyang igsoon nga lalaki, aron patyon namo siya alang sa kinabuhi sa iyang igsoon nga iyang gipatay,’ ug malaglag usab nila ang manununod. Sa ingon niini mapalong nila ang baga nga nahibilin kanako, ug walay mahibilin sa akong bana nga ngalan o salin sa ibabaw sa yuta.”

Numeros 35:13

Ug ang mga siyudad nga inyong ihatag, unom ka siyudad nga dalangpanan.

Numeros 35:19

Ang manimalos sa dugo mao gayod ang mopatay sa mamumuno; sa diha nga ikatagbo niya ang mamumuno, patyon niya kini.

Deuteronomio 19:4

“Ug kini mao ang kalagdaan alang sa makapatay ug tawo, nga pinaagi sa pagkagiw didto maluwas ang iyang kinabuhi. Kon adunay makapatay sa iyang isigkatawo nga dili tinuyo, ug nga walay pagdumot kaniya sa miaging panahon,

Deuteronomio 19:6

Kay tingali unya ug ang manimalos sa dugo nga nasuko pag-ayo mogukod sa nakapatay ug makaapas kaniya tungod kay ang dalan layo ug mapatay siya bisan kon dili siya angay patyon, kay wala man siyay pagdumot kaniya sa miagi nga panahon.

Josue 20:2

“Sultihi ang katawhan sa Israel: ‘Pagpili kamo ug mga siyudad nga dalangpanan, nga akong gisulti kaninyo pinaagi kang Moises,

Josue 20:9

Kini mao ang mga piniling siyudad alang sa tanang katawhan sa Israel ug alang sa langyaw nga nagpuyo uban kanila, nga si bisan kinsa ang makapatay ug tawo nga dili tinuyo, makadangop didto ug dili mamatay gikan sa kamot sa manimalos sa dugo hangtod nga makatindog siya sa atubangan sa katilingban.