Numeros 34:4

Ang Biblia 2011

Ang inyong utlanan moliko sa habagatan gikan sa tungasan sa Akrabim, ug molatas sa Zin ug ang tumoy niini adto sa habagatan sa Kades-barnea, ug kini mopadayon ngadto sa Hasar-adar, ug mosubay padulong sa Asmon,

Cross References

Numeros 13:21

Busa nanungas sila ug naniid sa yuta, gikan sa kamingawan sa Zin ngadto sa Rehob, duol sa ganghaan sa Hamat.

Numeros 13:26

Ug miadto sila kang Moises ug kang Aaron ug sa tibuok nga katilingban sa katawhan sa Israel nga didto sa kamingawan sa Paran, didto sa Cades. Nagdala sila sa taho ngadto kanila ug sa tibuok nga katilingban ug gipakita nila ang bunga sa maong yuta.

Numeros 20:1

Ug ang katawhan sa Israel, ang tibuok katilingban, miabot sa kamingawan sa Zin sa unang bulan ug ang katawhan nagpabilin didto sa Cades ug didto namatay si Miriam ug gilubong siya didto.

Numeros 32:8

Mao kini ang gibuhat sa inyong katigulangan, sa diha nga ako nagpadala kanila gikan sa Kades-barnea aron sa pagtan-aw sa yuta.

Numeros 34:3

ang inyong dapit sa habagatan maggikan sa kamingawan sa Zin subay sa utlanan sa Edom ug ang inyong utlanan sa habagatan maggikan sa kinatumyan sa Dagat nga Asin dapit sa silangan.

Josue 15:1

Ang bahin alang sa banay sa katawhan ni Juda sumala sa ilang mga panimalay misangko sa habagatang bahin sa utlanan sa Edom ngadto sa kamingawan sa Zin, sa kinatumyan sa habagatan.

Mga Maghuhukom 1:36

Ug ang utlanan sa mga Amorihanon nagsukad sa agianan sa Akrabim gikan sa Sela ug ngadto sa itaas.