Numeros 34:2

Ang Biblia 2011

“Sugoa ang katawhan sa Israel ug ingna sila: Sa diha nga kamo makasulod na sa yuta sa Canaan (kini mao ang yuta nga mahianha kaninyo ingon nga usa ka panulundon, ang yuta sa Canaan sumala sa mga utlanan niini),

Cross References

Genesis 10:19

Ug ang kayutaan sa mga Canaanhon nagsukad sa Sidon, padulong sa Gerar, ngadto sa Gaza, ngadto sa Sodoma, sa Gomora, sa Adma, ug sa Zeboim, hangtod sa Lasa.

Genesis 17:8

Ug ihatag nako nganha kanimo ug sa imong kaliwatan nga sunod kanimo ang yuta diin ikaw milangyaw, ang tibuok nga yuta sa Canaan aron mapanag-iya ninyo sa dayon, ug ako mahimo nga ilang Dios.”

Salmo 105:11

nga nag-ingon, “Kanimo ihatag nako ang yuta sa Canaan, ingon nga inyong bahin nga panulondon.”

Exodo 23:31

Ug ipahimutang nako ang inyong utlanan gikan sa Dagat nga Pula hangtod sa dagat sa mga Filistihanon, ug gikan sa kamingawan hangtod sa Eufrates, kay itugyan nako sa inyong mga kamot ang mga nagpuyo sa yuta ug papahawaon ninyo sila gikan sa inyong atubangan.

Jeremias 3:19

“ ‘Ako naghunahuna unsaon nako pagpahimutang kanimo uban sa akong sa mga anak, ug paghatag kanimo sa maayong yuta, usa ka labing matahom nga panulundon sa tanang mga nasod. Ug ako naghunahuna nga motawag ikaw kanako, Akong Amahan, ug dili mobiya sa pagsunod kanako.

Ezequiel 47:13

Mao kini ang giingon sa Ginoong Dios: “Kini mao ang mga utlanan, nga pinaagi niini bahinon ninyo ang yuta nga panulundon sumala sa napulo ug duha ka banay sa Israel. Si Jose makadawat ug duha ka bahin.

Ezequiel 47:14

Angayon ninyo kini pagbahin, kay gipanumpa nako nga ihatag kini sa inyong katigulangan, ug kining yutaa maanha kaninyo ingon nga panulundon.

Numeros 34:1

Ang Ginoo miingon kang Moises,

Mga Buhat 17:26

Siya nagbuhat sa tanang nasod sa katawhan gikan sa usa ka tawo aron mopuyo sa tanang dapit sa yuta, human niya maandam ang mga gitakda nga kapanahonan ug ang mga utlanan sa mga dapit nga ilang puy-an,

Mga Buhat 26:18

sa pagpabuka sa ilang mga mata aron sila mobalhin gikan sa kangitngit ngadto sa kahayag ug gikan sa gahom ni Satanas ngadto sa Dios, aron makadawat sila ug kapasayloan sa ilang mga sala ug usa ka dapit uban sa mga gibalaan pinaagi sa pagtuo kanako.’

Mga Taga-Efeso 1:14

Siya mao ang pasalig sa atong panulundon hangtod nga makapanag-iya na kita niini, alang sa pagdayeg sa himaya sa Dios.

Mga Taga-Efeso 1:18

ingon nga gilamdagan ang mga mata sa inyong kasingkasing, aron inyong masayran kon unsa ang paglaom diha sa iyang pagtawag kaninyo, kon unsa ang mga bahandi sa iyang mahimayaong panulundon diha sa mga balaan,

Josue 11:23

Busa gikuha ni Josue ang tibuok nga yuta sumala sa tanang gisulti sa Ginoo kang Moises ug gihatag kini ni Josue ingon nga panulundon sa Israel sumala sa ilang mga bahin pinaagi sa ilang mga banay. Ug ang yuta nakapahulay gikan sa gubat.

Josue 13:1

Niadtong tungora si Josue tigulang na ug taas na ang iyang panuigon ug ang Ginoo miingon kaniya, “Ikaw tigulang na ug taas na ang panuigon ug daghan pa kaayo ang nahibilin nga yuta nga panag-iyahonon.

Josue 21:43

Busa gihatag sa Ginoo ngadto sa Israel ang tanang yuta nga iyang gipanumpa nga ihatag sa ilang katigulangan ug sa napanag-iya na nila kini, mipuyo sila niini.