Numeros 33:53

Ang Biblia 2011

ug panag-iyahon ninyo ang yuta ug magpuyo didto kay gihatag na nako ang yuta aron inyong panag-iyahon.

Cross References

Genesis 15:7

Ug siya miingon kaniya, “Ako mao ang Ginoo nga nagdala kanimo gikan sa Ur sa mga Caldeanhon aron sa paghatag kanimo niining yutaa, ug maimo kini.”

Salmo 115:16

Ang kalangitan mao ang kalangitan sa Ginoo, apan gihatag niya ang yuta ngadto sa mga anak sa mga tawo.

Daniel 4:17

Ang hukom gihimo pinaagi sa mando sa mga tigbantay, ang hukom pinaagi sa pulong sa mga balaan, sa tuyo nga ang mga buhi mahibalo nga ang Labing Halangdon maoy nagdumala sa gingharian sa mga tawo ug naghatag niini ngadto kang bisan kinsa nga buot niyang hatagan ug nagpahiluna diha niini sa labing ubos sa mga tawo.’

Daniel 4:25

nga ikaw abogon gikan sa mga tawo, ug ang imong puluy-anan uban sa mga mananap sa kapatagan. Ikaw mapugos sa pagkaon ug sagbot sama sa mga baka, ug mahumod ikaw sa yamog sa langit, ug pito ka panahon nga molabay kini kanimo, hangtod nga mahibalo ikaw nga ang Labing Halangdon mao ang naghari sa gingharian sa mga tawo ug naghatag niini ngadto kang bisan kinsa nga buot niyang hatagan.

Daniel 4:32

Ikaw abogon gikan sa mga tawo ug ang imong puluy-anan uban sa mga mananap sa kapatagan ug ikaw mapugos sa pagkaon sa sagbot sama sa baka, ug pito ka panahon ang molabay kanimo hangtod nga mahibalo ikaw nga ang Labing Halangdon mao ang naghari sa gingharian sa mga tawo, ug naghatag niini ngadto kang bisan kinsa nga buot niyang hatagan.”

Mateo 20:15

Wala ba diay akoy katungod sa paggamit sa akong mga kabtangan sumala sa akong kabubut-on? O imo ba diay akong bagutbotan tungod sa akong pagkamahinatagon?’

Deuteronomio 11:31

Kay kinahanglang motabok kamo sa Jordan aron sa pag-adto ug pagpanag-iya sa yuta nga gihatag kaninyo sa Ginoo nga inyong Dios ug sa dihang mapanag-iya na ninyo kini ug magpuyo niini,

Deuteronomio 17:14

“Kon moabot na kamo sa yuta nga gihatag kaninyo sa Ginoo nga inyong Dios ug mapanag-iya ninyo kini ug magpuyo kamo niini ug unya moingon, ‘Magbutang ako ug hari ibabaw nako, sama sa tanang nasod nga naglibot kanako,’

Deuteronomio 3:18

“Ug niadtong panahona nagsugo ako kaninyo nga nag-ingon, ‘Ang Ginoo nga inyong Dios mihatag kaninyo niining yutaa aron inyong mapanag-iya. Kinahanglan nga ang tanang tawo nga isog molabang nga sangkap sa hinagiban sa atubangan sa inyong mga kaigsoonan, ang katawhan sa Israel.

Deuteronomio 32:8

Sa diha nga gihatag sa Labing Halangdon ngadto sa mga nasod ang ilang panulundon, sa diha nga gibahinbahin niya ang mga anak sa mga tawo, gibutang niya ang mga utlanan sa mga katawhan sumala sa gidaghanon sa mga anak sa Dios.

Deuteronomio 7:17

“Kon moingon kamo sa inyong kasingkasing, ‘Kini nga mga nasod mas dagko pa kay kanako, unsaon man nako sa pag-ilog kanila?’

Josue 1:6

Pagmalig-on ug pagmaisogon kay ikaw ang maghimo nga kining katawhan makaangkon sa yuta nga akong gisaad sa ilang katigulangan nga akong ihatag kanila.

Josue 21:43

Busa gihatag sa Ginoo ngadto sa Israel ang tanang yuta nga iyang gipanumpa nga ihatag sa ilang katigulangan ug sa napanag-iya na nila kini, mipuyo sila niini.

Josue 23:5

Ug ang Ginoo nga inyong Dios magtukmod kanila gikan sa inyong atubangan ug mag-abog kanila gikan sa inyong atubangan, ug panag-iyahon ninyo ang ilang yuta sumala sa gisaad kaninyo sa Ginoo nga inyong Dios.