Numeros 33:1

Ang Biblia 2011

Kini mao ang mga hugna sa pagpanaw sa katawhan sa Israel sa paggula nila gikan sa yuta sa Ehipto sumala sa ilang mga panon ubos sa pagpangulo ni Moises ug ni Aaron.

Cross References

Salmo 105:26

Gisugo niya si Moises nga iyang alagad, ug si Aaron nga iyang gipili.

Salmo 77:20

Gimandoan nimo ang imong katawhan sama sa usa ka panon sa karnero pinaagi sa kamot ni Moises ug ni Aaron.

Exodo 12:37

Ang katawhan sa Israel mipanaw gikan sa Rameses padulong sa Sucot. Mga unom ka gatos ka libo ka lalaki ang nanglakaw, gawas sa mga bata.

Exodo 12:41

Human sa 430 ka tuig, niadto gayong adlawa, ang tanang panon sa Ginoo migula gikan sa yuta sa Ehipto.

Exodo 12:51

Ug niadto gayong adlawa, gikuha sa Ginoo ang katawhan sa Israel gikan sa yuta sa Ehipto sumala sa ilang mga panon.

Exodo 13:18

Busa gidala sa Dios ang katawhan libot sa kamingawan paingon sa Dagat nga Pula. Ug ang katawhan sa Israel migawas sa Ehipto nga sangkap sa mga hinagiban.

Exodo 6:26

Kini mao ang Aaron ug Moises nga giingnan sa Ginoo, “Kuhaa ang katawhan sa Israel gikan sa yuta sa Ehipto sumala sa ilang mga panon.”

Miqueas 6:4

Kay gikuha ko ikaw gikan sa yuta sa Ehipto, ug gilukat ko ikaw gikan sa balay sa pagkaulipon; ug gipadala nako kanimo si Moises, si Aaron, ug si Miriam.

Numeros 33:2

Ug si Moises misulat sa tanan nilang mga paglakaw sumala sa mga hugna sa ilang pagpanaw agad sa pagmando sa Ginoo, ug kini mao ang mga hugna sa ilang pagpanaw sumala sa ilang mga paglakaw.

Josue 24:5

Unya gipaadto nako si Moises ug si Aaron ug gikastigo nako ang Ehipto pinaagi sa akong gibuhat sa taliwala niini, ug human niini gipagawas nako kamo.

1 Samuel 12:8

Sa pag-adto ni Jacob sa Ehipto ug ang mga Ehiptohanon nagdaogdaog kanila, ang inyong mga katigulangan nagtuaw sa Ginoo, unya ang Ginoo nagpadala kang Moises ug kang Aaron nga maoy nagpagula sa inyong katigulangan gikan sa Ehipto ug nagpapuyo kanila niining dapita.