Numeros 32:6

Ang Biblia 2011

Apan si Moises miingon sa mga kaliwat ni Gad ug sa mga kaliwat ni Ruben, “Mangadto ba sa gubat ang inyong mga kaigsoonan samtang kamo manglingkod lamang dinhi?

Cross References

2 Samuel 11:11

Si Uria miingon kang David, “Ang sudlanan sa kasabotan ug ang Israel ug ang Juda nagpuyo sa balongbalong, ug ang akong agalon nga si Joab ug ang mga sulugoon sa akong agalon nagkampo sa hawan nga kapatagan, moadto ba diay ako sa akong balay aron mokaon ug moinom ug makigdulog sa akong asawa? Ingon nga ikaw buhi, ug ingon nga ang imong kalag buhi, dili nako buhaton kining butanga.”

Numeros 32:5

Ug sila miingon, “Kon kami nakakaplag ug kahimuot sa imong mga mata, itugot nga kining yutaa ihatag ngadto sa imong mga sulugoon aron mapanag-iya nila. Ayaw kami dad-a ngadto sa tabok sa Jordan.”

Numeros 32:7

Ug ngano nga luyahon man ninyo ang kasingkasing sa katawhan sa Israel sa pagtabok ngadto sa yuta nga gihatag sa Ginoo kanila?

1 Mga Taga-Corinto 13:5

Ang gugma dili tigpasigarbo, dili magbinastos, dili mamugas alang sa iyang kaugalingon, dili masuk-anon o madinumtanon.

Mga Taga-Filipos 2:4

Kinahanglan nga ang matag usa kaninyo magtan-aw dili lamang sa iyang kaugalingong mga kaayohan, kondili sa mga kaayohan usab sa uban.

Mga Maghuhukom 5:16

Nganong nagpabilin man ikaw diha sa toril sa karnero, aron ba sa pagpamati sa mga pagbudyong alang sa mga panon? Taliwala sa banay ni Ruben adunay dagkong mga pagsusi sa kasingkasing.