Numeros 32:5

Ang Biblia 2011

Ug sila miingon, “Kon kami nakakaplag ug kahimuot sa imong mga mata, itugot nga kining yutaa ihatag ngadto sa imong mga sulugoon aron mapanag-iya nila. Ayaw kami dad-a ngadto sa tabok sa Jordan.”

Cross References

Genesis 19:19

Tan-awa, ang imong ulipon nakapahimuot sa imong mga mata, ug gipakita nimo ang dakong kaluoy ngari kanako sa pagluwas sa akong kinabuhi, apan dili ako makapahilayo ngadto sa kabukiran, kay tingali unya ug maapsan ako sa katalagman ug mamatay ako.

2 Samuel 14:22

Ug si Joab mihapa sa yuta ug mihatag ug katahoran ug gipanalanginan ang hari ug si Joab miingon, “Niining adlawa ang imong sulugoon nahibalo nga gikahimut-an nimo ako, akong agalon nga hari, nga sa ingon ang hari nagtugot sa gipangayo sa iyang sulugoon.”

Ester 5:2

Sa pagkakita sa hari kang Rayna Ester nga nagtindog sa hawanan, si Ester nakakaplag ug kahimuot diha sa iyang panan-aw ug iyang gitunol kang Ester ang bulawang setro nga diha sa iyang kamot. Unya si Ester miduol ug mihikap sa tumoy sa setro.

Jeremias 31:2

Mao kini ang giingon sa Ginoo: “Ang katawhan nga nakalingkawas sa espada nakakaplag ug grasya didto sa kamingawan; sa diha nga si Israel nangita ug pahulay,

Numeros 32:4

ang kayutaan nga gilaglag sa Ginoo sa atubangan sa katilingban sa Israel usa ka yuta alang sa kahayopan, ug ang imong mga sulugoon adunay kahayopan.”

Numeros 32:6

Apan si Moises miingon sa mga kaliwat ni Gad ug sa mga kaliwat ni Ruben, “Mangadto ba sa gubat ang inyong mga kaigsoonan samtang kamo manglingkod lamang dinhi?

Deuteronomio 1:37

Ug ang Ginoo nasuko usab kanako tungod kaninyo ug miingon, ‘Ikaw usab dili makasulod didto.

Josue 7:7

Si Josue miingon, “O Ginoong Dios, nganong gidala pa man nimo kining katawhan dinhi sa tabok sa Jordan aron itugyan kami ngadto sa kamot sa mga Amorihanon, aron laglagon kami? Nakontento na unta kami sa pagpuyo sa pikas daplin sa Jordan!

Ruth 2:10

Unya si Ruth miyukbo, ug miduko ngadto sa yuta ug miingon kaniya, “Nganong nakakaplag man ako ug kaluoy sa imong mga mata, nga ikaw motagad kanako nga ako usa man ka langyaw?”

1 Samuel 20:3

Apan si David nanumpa pag-usab, “Ang imong amahan nahibalo kaayo nga ako nakapahimuot sa imong mga mata ug siya miingon, ‘Ayaw pahibaloa si Jonatan niini kay tingali unya ug masubo siya.’ Sa pagkatinuod, ingon nga ang Ginoo buhi, ug ingon nga ang imong kalag buhi, usa na lamang ka lakang ang nakaulang kanako ug sa kamatayon.”