Numeros 32:29

Ang Biblia 2011

Ug si Moises miingon kanila, “Kon ang mga kaliwat ni Gad ug ang mga kaliwat ni Ruben motabok uban kaninyo ngadto sa tabok sa Jordan, ang tanang tawo nga sangkap sa hinagiban sa gubat, sa atubangan sa Ginoo, ug ang yuta buntogon sa inyong atubangan, ihatag ninyo kanila ang yuta sa Gilead aron ilang mapanag-iya.

Cross References

Numeros 32:17

Apan kami mangandam nga sangkap sa hinagiban aron paglakaw una sa katawhan sa Israel, hangtod nga madala namo sila ngadto sa ilang dapit, ug ang among mga kabataan magpuyo sa mga lungsod nga kinutaan tungod sa mga nagpuyo sa yuta.

Numeros 32:28

Busa si Moises mihatag ug sugo mahitungod kanila ngadto kang Eleasar nga pari, ug kang Josue nga anak ni Nun ug sa mga pangulo sa mga banay sa katigulangan sa katawhan sa Israel.

Numeros 32:30

Apan kon sila dili motabok uban ninyo nga sangkap sa hinagiban, sila manag-iya sa yuta uban ninyo didto sa yuta sa Canaan.”

Josue 12:6

Si Moises nga alagad sa Ginoo ug ang katawhan sa Israel mibuntog kanila, ug si Moises nga alagad sa Ginoo mihatag sa ilang yuta ingon nga usa ka panulundon ngadto sa mga Rubenhanon ug sa mga Gadhanon ug sa katunga nga banay ni Manases.

Josue 13:11

ug ang Gilead ug ang kayutaan sa mga Gesurhanon ug sa mga Maacahanon ug ang tibuok Bukid sa Hermon ug ang tibuok Basan ngadto sa Saleka,

Josue 14:3

Kay si Moises naghatag ug panulundon ngadto sa duha ug tunga ka banay sa tabok sa Jordan, apan sa mga Levihanon siya wala maghatag ug panulundon.

Josue 18:7

Ang mga Levihanon walay bahin diha kaninyo kay ang pagkapari sa Ginoo mao ang ilang panulundon. Unya si Gad ug si Ruben ug ang katunga sa banay ni Manases nakadawat na sa ilang panulundon sa tabok sa Jordan dapit sa silangan nga gihatag kanila ni Moises nga alagad sa Ginoo.”

Josue 22:9

Busa ang mga Rubenhanon ug ang mga Gadhanon ug ang katunga sa banay ni Manases namauli ug mibiya gikan sa katawhan sa Israel didto sa Silo, sa yuta sa Canaan, aron sa pag-adto sa yuta sa Gilead, sa ilang kaugalingong yuta nga ilang napanag-iya sumala sa sugo sa Ginoo pinaagi kang Moises.

Mga Maghuhukom 10:3

Sunod kaniya mibarog si Jair nga taga-Gilead nga nahimong maghuhukom sa Israel sulod sa 22 ka tuig.

1 Samuel 18:17

Unya si Saul miingon kang David, “Ania karon ang akong kamagulangang anak nga babaye nga si Merab, siya akong ipaasawa kanimo. Pagmaisogon lamang alang kanako ug pagpakiggubat alang sa Ginoo.” Kay si Saul naghunahuna, “Dili unta itugot nga modapat ang akong kamot kaniya, kondili ang kamot sa mga Filistihanon ang padapaton kaniya.”