Numeros 31:3

Ang Biblia 2011

Ug si Moises miingon sa katawhan, “Sangkapi ninyo ug mga hinagiban ang pipila kaninyo alang sa gubat aron mangadto sila batok sa Midian sa pagpahamtang sa panimalos sa Ginoo ngadto sa Midian.

Cross References

2 Mga Hari 10:30

Ug ang Ginoo miingon kang Jehu, “Tungod kay nagbuhat ikaw sa maayo, sa pagtuman sa matarong diha sa akong panan-aw, ug naghimo ngadto sa panimalay ni Ahab sumala sa tanan nga ania sa akong kasingkasing, ang imong mga anak nga lalaki sa ikaupat nga kaliwatan maglingkod sa trono sa Israel.”

2 Mga Hari 9:7

Ug laglagon nimo ang panimalay ni Ahab nga imong agalon, aron makapanimalos ako kang Jesebel sa dugo sa akong mga sulugoon nga mga propeta ug sa dugo sa tanang mga sulugoon sa Ginoo.

Exodo 17:16

Ug miingon siya, “Iisa ang bandila sa Ginoo! Ang Ginoo makiggubat batok sa Amalek hangtod sa tanang kaliwatan.”

Jeremias 46:10

Kanang adlawa mao ang adlaw sa Ginoong Dios sa mga panon, ang adlaw sa pagpanimalos, sa pagpanimalos niya sa iyang mga kaaway. Ang espada molamoy ug mabusog, ug moinom hangtod sa iyang pagkahubog sa ilang dugo kay ang Ginoong Dios sa mga panon adunay paghalad sa yuta sa amihanan daplin sa suba sa Eufrates.

Jeremias 50:28

“Pamati! Sila mipalayo ug miikyas gikan sa yuta sa Babilonia, sa pagpahayag didto sa Zion sa panimalos alang sa Ginoo nga atong Dios, ang pagpanimalos sa iyang Templo.

Levitico 26:25

Ug dad-an ko kamo ug espada nga manimalos sa pagsupak ninyo sa akong kasabotan ug tigomon kamo sa inyong mga lungsod ug magpadala ako ug kamatay sa taliwala ninyo ug itugyan kamo ngadto sa kamot sa kaaway.

Numeros 25:11

“Si Pinehas, nga anak ni Eleasar nga anak ni Aaron nga pari, nagpalayo sa akong kasuko gikan sa katawhan sa Israel kay siya nangabubho uban sa akong pangabubho taliwala nila nga tungod niana wala nako puoha ang katawhan sa Israel sa akong pagpangabubho.

Numeros 25:13

ug kini alang kaniya ug sa iyang kaliwat nga mosunod kaniya, ang kasabotan sa pagkapari nga walay kataposan tungod kay siya adunay kainit alang sa Dios, ug naghimo ug pagtabon sa sala alang sa katawhan sa Israel.’ ”

Numeros 31:4

Magpadala ikaw ug usa ka libo gikan sa matag banay sa Israel ngadto sa panggubatan.”

Mga Maghuhukom 5:2

“Sa diha nga ang mga pangulo nag-una sa Israel, sa diha nga ang katawhan sa kinabubut-on naghalad sa ilang kaugalingon, dayega ninyo ang Ginoo!

Mga Maghuhukom 5:23

“Tungloha ang Meros, miingon ang anghel sa Ginoo, tungloha pag-ayo ang mga nagpuyo niini, tungod kay miadto sila dili sa pagtabang sa Ginoo, sa pagtabang sa Ginoo batok sa mga kusgan.