Numeros 31:23

Ang Biblia 2011

ang tanang butang nga makasukol sa kalayo, ang ipaagi ninyo sa kalayo ug mahinlo kini, apan bisan pa niana kini putlion pinaagi sa tubig alang sa kahugawan. Apan ang tanan nga dili makasukol sa kalayo ipaagi ninyo sa tubig.

Cross References

Numeros 19:9

Ang tawo nga hinlo maoy mohipos sa mga abo sa dumaga nga baka ug ibutang kini sa gawas sa kampo sa dapit nga hinlo. Kini tipigan alang sa katilingban sa katawhan sa Israel alang sa tubig sa paghinlo, alang sa pagkuha sa sala.

Numeros 19:17

Alang sa nahugaw magkuha sila ug abo sa gisunog nga halad tungod sa sala ug isagol kini sa tubig gikan sa tubod diha sa usa ka sudlanan.

1 Mga Taga-Corinto 3:13

ang buhat sa matag usa mailhan ra unya kay ang Adlaw magpadayag niini nga pinaagi sa kalayo mailhan kini, ug ang kalayo magsulay sa buhat sa matag usa.

Mateo 3:11

“Ako nagbautismo kaninyo sa tubig alang sa paghinulsol apan siya nga moanhi sunod kanako gamhanan pa kay kanako nga bisan gani sa iyang mga sandalyas dili ako takos nga mobitbit. Siya magbautismo kaninyo sa Espiritu Santo ug kalayo.

Isaias 43:2

Sa diha nga ikaw molatas sa katubigan ako mag-uban kanimo, ug sa mga kasapaan, kini dili makalapaw kanimo; sa diha nga ikaw maglakaw latas sa kalayo, ikaw dili masunog ug ang kalayo dili maglamoy kanimo.

Gipadayag 3:18

Busa tambagan ko ikaw nga gikan kanako magpalit ikaw ug bulawan nga gilunsay sa kalayo aron madato ikaw, ug mga puting bisti nga imong ikasul-ob aron dili madayag ang pagkamakauulaw sa imong pagkahubo, ug tambal nga idapat sa imong mga mata aron ikaw makakita.

1 Pedro 4:12

Mga hinigugma, ayaw kamo kahibulong sa nagdilaab nga pagsulay nga mahitabo kaninyo, ingon nga usa ka talagsaong butang ang nahitabo kaninyo.

1 Pedro 3:21

Agig hulagway niini, ang bautismo, nagluwas kaninyo karon dili ingon nga paghugas sa buling gikan sa lawas kondili ingon nga pangamuyo ngadto sa Dios alang sa hinlo nga tanlag, pinaagi sa pagkabanhaw ni Jesu-Cristo,

1 Pedro 1:7

aron nga ang pagkatinuod sa inyong pagtuo, nga labaw pa ka bililhon kay sa bulawan nga madugta nga sulayan pinaagi ug kalayo, mosangpot ngadto sa pagdayeg ug paghimaya ug pagpasidungog inigpadayag unya kang Jesu-Cristo.

Mga Taga-Efeso 5:26

aron iyang balaanon siya sa mahinloan na niya siya pinaagi sa paghugas kaniya ug tubig pinaagi sa pulong,

Zacarias 13:9

Ug itambog nako kining ikatulong bahin ngadto sa kalayo, ug lunsayon kini sama sa usa ka tawo nga maglunsay ug plata, ug magsulay kanila sama sa pagsulay sa bulawan. Sila magsangpit sa akong ngalan ug ako motubag kanila. Ako moingon, ‘Sila akong katawhan,’ ug sila moingon, ‘Ang Ginoo mao ang akong Dios.’ ”

Numeros 8:7

Ug mao kini ang imong buhaton sa paghinlo kanila: isablig sa ibabaw nila ang tubig sa paghinlo ug pakiskisi nila pinaagi sa labaha ang tibuok nilang lawas, ug palabhi nila ang ilang mga bisti ug maghinlo sila sa ilang kaugalingon.

Levitico 15:17

Ang tanan nga bisti o ang tanang galamiton nga panit nga matuloan ug binhi kinahanglang hugasan niya ug tubig, ug hugaw kini hangtod sa pagkakilomkilom.

Levitico 11:32

Ug bisan unsa nga mahulogan sa usa niini sa dihang patay na kini mahugaw ang maong butang, sudlanan man nga kahoy o bisti o panit o sako o bisan unsa nga sudlanan nga gamiton sa bisan unsang tuyo. Ihumol kini sa tubig ug hugaw kini hangtod sa pagkakilomkilom, unya mahinlo na kini.

Numeros 31:22

Ang bulawan lamang, ug ang plata, ang bronsi, ang puthaw, ang estanyo ug ang tingga,

Numeros 31:24

Unya labhan ninyo ang inyong mga bisti sa ikapito nga adlaw ug kamo mahinlo. Ug human niana makasulod na kamo sa kampo.”

Exodo 19:10

Ug ang Ginoo miingon kang Moises, “Adtoa ang katawhan ug balaana sila karon ug ugma ug palabhi kanila ang ilang mga bisti.

Exodo 19:14

Busa milugsong si Moises sa bukid padulong sa katawhan ug gibalaan niya ang katawhan ug gilabhan nila ang ilang mga bisti.